- Jeke jáne jumyldyrylǵan qarajat esebinen barlyǵy jalpy eseptegende quny 57,6 mlrd teńgeni quraǵan 60 joba júzege asyryldy. Aýyldarda jumyspen qamtý máselelerine erekshe nazar aýdarylýda. Shaǵyn jáne orta sharýa qojalyqtary aýylsharýashylyq kooperasııasyna jumyldyrylýda. Jyl basynan bastap 1 qazanǵa deıin jyldyq jospar boıynsha 38 kooperatıvtiń ornyna oblysymyzda 56 birlestik qurylǵan. Onyń 25-i sút ónimderin jáne 31-i et ónimderin óndirýmen aınalysady, - dedi Iýrjan Bekqojın.
Sonymen qatar 7799 bas iri qara malǵa shaqtalǵan 891 otbasylyq mal semirtý alańdary qurylǵan. Aýylsharýashylyq kooperasııasyna shamamen 2,8 myń usaq jáne jeke menshik qosalqy sharýashylyqtar jumyldyrylǵan. Jańadan 2112 jumys orny quralǵan. Jalpy eseptegende kooperatıvter 530 tonna sút jáne 67 tonna et ázirlegen.
- Basty baǵyt aýylsharýashylyq ónimderin qaıta óńdeý bolyp qala beredi, - deıdi Iýrjan Bekqojın. – Árbir aýdan boıynsha biz QR Aýylsharýashylyq mınıstrliginiń qoldaýymen qaıta óńdeý óndiristeriniń qýattylyq kartasyn jasadyq. Aldaǵy ýaqytta 4 sút óńdeıtin jáne 7 et óńdeıtin óndiristi jańǵyrtýdy josparlap otyrmyz.
Qajetti shıkizatty fermalar men kooperatıvter qamtamasyz etip otyrady. Nátıjesinde, 2021 jylǵa qaraı bir jyldyq et óńdeý kólemi 29 myń tonnaǵa deıin, sút óńdeý 73 myń tonnaǵa deıin ósedi dep josparlanýda.
Sonymen birge Iýrjan Bekqojınniń aıtýynsha óndiristik ónimderdi syrtqy naryqqa shyǵarýǵa da úlken nazar aýdarylady. Jyl basynan beri jalpy somasy 42 mln AQSh dollaryn quraǵan 197 myń tonna aýylsharýashylyq ónimin eksporttaǵan. Bul ótken jylmen salystyrǵanda 49%-ǵa kóbirek. Jyldyń qorytyndysy boıynsha eksport kólemin 204 myń tonnaǵa ulǵaıtý jospary bar.
- 2016-shy jyly alǵash ret BAÁ-ne 3320 qozy eksporttalǵan, aǵymdaǵy jyly – 1200 bas mas shet el asyrylǵan. Bul baǵytta jumystar jalǵastyrylady, - dedi Aýylsharýashylyq basqarmasynyń basshysy.
Esterińizge sala keteıik, osy jyldyń basynda elimizdiń barlyq aımaqtarynda aýylsharýashylyq kooperasııalaryn qoldaýǵa baǵyttalǵan túsindirý kampanııasy bastaldy. Aýylsharýashylyq kooperatıvterine arnalǵan jańa memlekettik kómek mehanızmderi jumys isteı bastady. El Prezıdenti QR Aýylsharýashylyq mınıstrliginiń aldyna 500 myńnan astam qosymsha sharýalyqtardy aýylsharýashylyq kooperatıvterine aýqymdy túrde jumyldyrý boıynsha mindet qoıdy.
