Aımaqtar • 28 Qazan, 2017

О́skemende áleýmettik kómirdiń tonnasy 7 600 teńgeden satylyp jatyr

154 ret kórsetildi

О́skemen qalasy boıynsha áleýmettik jaǵynan qorǵalmaǵan turǵyndarǵa áleýmettik kómir 7 600 teńgeden satylyp jatyr. Bul topqa jatatyn turǵyndarǵa 2017-2018 jyldardyń qys merzimine 35 myń tonna kómir qarastyrylǵan. Bul týraly jergilikti altaynews.kz saıty habarlady.

Soǵys ardagerleri, kóp balaly analar, zeınetkerler men múgedekterge jeńildikpen beriletin kómirdi qajet etetinderdiń tizimi jasalyp, kómir tasymaldanyp, jetkizlip jatyr. Osy ýaqytqa deıin 35 myń tonnanyń 20 myń tonnasy jetkizlgen. Kómirdiń bólinýine Aýǵan soǵysyna qatysýshylardyń uıymy baqylaý júrgizip otyr.

Kómirdi asa kóp qajet etetin О́skemen men Semeı qalasynyń turǵyndary qys boıy 235-250 myń tonna kómir jaǵady. Oblys ortalyǵynda halyqqa kómir satyp otyrǵan «VEÝS» JShS niń Zashıta men Sol jaǵalaý aýdanynyń Samar tas joly boıyndaǵy qoımalarynda kómir satyp alýshylarǵa toqtaýsyz satylyp jatyr. «VEÝS»tyń Aıagóz, Zyrıan, Shemonaıha, Glýbokoe aýdandary men qala mańyndaǵy Predgornoe aýylyndaǵy kómir qoımalarynan da kómir kúni boıy satylyp keledi. Qyrkúıek aıynan beri ol qoımalardan 140 myń tonna kómir satylǵan.

Alty aı qysta ot jaǵyp, úı jylytý úshin ShQO halqyna 1mln 135 myń tonna kómir qajet. Qazir bul qajettiliktiń 720 myń tonnasy jetkizilip, el qysqy otynnyń 65-70 paıyzymen qamtylyp otyr. Aımaqta kenishterden óndirilip jatqan kómirdi jurtqa jetkizip berýmen 34 daıyndaý-bólý pýnkti aınalysyp jatyr.

Sońǵy jańalyqtar

Shyǵysqa qar tústi

Aımaqtar • Keshe

Uqsas jańalyqtar