Din isteri jáne azamattyq qoǵam mınıstrliginiń Din isteri komıteti uıymdastyrǵan shara din salasynda memlekettik saıasatty júzege asyrý máselelerimen aqparattyq-túsindirý tobynyń tıimdi jumys isteý ádisterin anyqtaý men talqylaýdy maqsat etedi.
Júzge jýyq adam qatysqan basqosýǵa Bilim jáne ǵylym mınıstrliginiń, Ulttyq qaýipsizdik komıteti Terrorızmge qarsy kúres ortalyǵynyń, Mádenıetter men dinderdiń halyqaralyq ortalyǵynyń, óńirlik din isteri basqarmalary men din problemalaryn zertteý ortalyqtarynyń ókilderi, ǵalymdar, teologtar, dintanýshylar atsalysty. Alǵashqy kúngi jıynda Din isteri komıteti tóraǵasynyń mindetin atqarýshy E.Ońǵarbaev sóz sóılep, «Ekstremızmmen kúrestiń basty quraly retinde aqparattyq túsindirý toptary jumystarynyń tıimdiligin arttyrý qajet», dedi. Ol, sonymen qatar semınarda alǵan bilimdi kópshilik ishindegi arnaıy toptarmen jumys júrgizýde paıdalanýdy usyndy.
Shara barysynda L.Gýmılev atyndaǵy Eýrazııa ulttyq ýnıversıteti «Áleýmettik basqarý tehnologııalary» kafedrasynyń professory, E.Shahanov jáne de Shyǵys Qazaqstan oblysy boıynsha Din problemalaryn zertteý ortalyǵynyń dırektory I.Berkimbaeva trenıngter ótkizdi. Sondaı-aq kópshilik «Ańsar» ońaltý ortalyǵynyń jetekshisi A.Sabdınniń sottalǵandar men destrýktıvti dinı aǵymdardyń qurbandaryn ońaltý taqyrybyndaǵy dárisin tyńdady.
Semınardyń ekinshi kúni óńirdegi aqparattyq-túsindirý toptarynyń ózara tájirıbe almasýlaryna, tıimdi ádistermen túsindirý jumystaryn júrgizýge arnaldy. Onda Din isteri komıteti tóraǵasynyń orynbasary A.Ábildınova jekelegen aımaqtarda halyq arasyndaǵy maqsatty toptarmen jumys júrgizýdegi tájirıbeniń mańyzdylyǵyn atap ótti. Buǵan qosa, ol aqparattyq-túsindirý tobynyń múshelerin alǵan bilimderin aımaqtarda bólisýge shaqyrdy.
