Oǵan L.N.Gýmılev atyndaǵy Eýrazııa ulttyq ýnıversıtetiniń, Sh.Ýálıhanov atyndaǵy Kókshetaý memlekettik ýnıversıtetiniń, A.Baıtursynov atyndaǵy Qostanaı memlekettik ýnıversıtetiniń, Qostanaı memlekettik pedagogıkalyq ınstıtýtynyń, Y.Altynsarın atyndaǵy Arqalyq memlekettik pedagogıkalyq ınstıtýtynyń tarıhshy, fılolog ǵalymdary, sonymen qatar ólke tarıhyn zerttep júrgen tarıhshylar, ólketanýshylar, muǵalimder, memlekettik qyzmetshiler, qoǵam ókilderi, mádenıet qyzmetkerleri, stýdentter qatysty.
Konferensııada ǵalymdar men ólketanýshylar elimizdegi onomastıkanyń búgingi jáı kúıin, problemalaryn, til tazalyǵyna, týrızmdi damytýǵa áserin áńgimeledi.
«Jer-sý ataýlary qoǵamdyq mádenı, tarıhı ǵana emes, jalpy rýhanı mura retinde halyqaralyq mańyzǵa da ıe bolyp otyr. Sondyqtan tarıhymyzǵa qatysty jer-sý attarynyń saqtalýy men durys jazylýyna, aıtylýyna saq bolǵanymyz jón. Mysaly, Qostanaı qalasynyń janyndaǵy Tobyldan bólingen shaǵyn kól Inspektor kóli atalatyn. Ony keıinnen bireý jekeshelendirip alyp, Bezymıannoe dep tirketip jibergen. Al halyq onyń Altynsarınge baılanysty shyqqan ataý ekenin jaqsy biledi. Tarıhymyzǵa qatysty osy ataýdy qalaı óshirip qoıamyz? Onyń qujat júzinde qalpyna keltirý máseelsi kezek kúttirmese kerek» dedi ólketanýshy ǵalym Qalqaman Jaqyp.
«Elbasynyń maqalasynda aıtylǵan rýhanı jańǵyrý máseleleriniń biri osy onomastıkaǵa qatysty. Onomastıkany jańǵyrtý arqyly bizdiń tarıhı jadymyzdy saqtap, ulttyq kodtarymyzǵa qaıta jan bitirý máselesi konferensııada oryndy qozǵaldy. Latyn álipbıine kóshý onomastıka máselelsine oń yqpal etetin bolady. Buryn bir ataýdy oryssha, qazaqsha eki tilde jazatyn edik, ol eki túrli dybystalatyn. Al latyn árpimen jazýdan ol birizdilikke túsedi. Munyń halyqaralyq, tipti ekonomıkalyq ta mańyzy bar» deıdi Eýrazııa ýnıversıtetiniń professory Bekjan Ábdiýálıuly. Konfernsııaǵa qatysýshylar eki seksııaǵa bólinip jumys istedi.
Názıra Járimbet,
«Egemen Qazaqstan»
Qostanaı
