Qoly ashyqtyń joly ashyq

«Altyn júrek» ulttyq qoǵamdyq syılyǵy kezekti ıelerin tapty Adam janyna jylylyq syılap, jaqsylyq jasaýǵa asy­ǵyp turatyn adamdar bolady. Peıili keń mundaı jandar baı­ly­ǵy asyp-tasyp bara jatqandyqtan jomarttyq jasa­maı­dy. Olardy árdaıym saýapty isterge ıtermeleıtin jáıt – al­tyn júregi. Beısenbi kúni Qazaqstandaǵy Atymtaı-jomart­tar­dy marapattaıtyn qaıyrymdylyq salasyndaǵy birden-bir syılyq – «Altyn júrek» syılyǵy kezekti ıelerin tapty. О́z elimizdegi mesenattarǵa beriletin bul marapat bıyl 5 jyldyǵyn atap ótti. Bir ereksheligi, atalmysh syılyqtyń saltanatty keshi dástúrli túrde 27 qazan kúni ótkiziledi. Aıt­qan­daı, bıyl uıymdas­ty­rý­shy­lar alǵashqy mereıtoılaryna arnap «Qazaqstannyń órkendeýine qosqan úlesi úshin» deıtin taǵy bir ataýly syılyqty taǵaıyndaǵan. Son­dyqtan da saltanatty keshke Túrkııa, Iordanııa jáne Germanııa azamattary da qatysty. Myna qyzyqty qarańyz, jaq­sy­lyq jasap, mesenat deıtin mártebege ıe bolý úshin aqshaly bolýdyń da qajeti joq sııaqty. Osy syılyqqa úmitkerler arasynda aq júregimen-aq aınalasyna sharapatyn tıgizip júr­gen jandar bar eken. Máselen, «Jyldyń qaıyrymdy ada­my» ataǵyna ıe bol­­­ǵan Qalısha Turysbekova 1959 jyldan beri úzbeı do­nor­lyqpen aınaly­­syp, jalpy eseppen 152 ret qan tap­syrǵan. Onyń qa­­­ny talaı adamdardy ajal­­dan arashalap, ómirin uz­art­qan. Son­dyqtan do­nor­dy marapattaý – laı­yq baǵa boldy. Aramyzda ózgeniń ba­la­syna óz balasyndaı jany ashyp, baryn bólip beretin adamdar da bar. «Altyn jú­rektiń» «Jetim bala­lar­ǵa kórsetken qamqorlyǵy úshin» ataý­ly syılyǵyna usynylǵan jandar ara­sy­nan Natalıa Smykovanyń joly bol­dy. Ol – Semeı qalasyndaǵy O.Sú­leı­menov atyndaǵy «Jetimder men mú­gedekter ortalyǵy» mekemesiniń dı­rektory. Natalıa hanym 1996 jy­ly ınternattar men balalar úıle­ri­nen shyǵyp, dalada qalǵan túlekterge arnap áleýmettik beıimdelý ortaly­ǵyn ashqan. Sodan beri Semeı, Aıagóz, Shar qalalary men Kókpekti, Úrjar aýdanynyń Naýaly aýyldaryndaǵy balalar úıleriniń 400-den astam tú­legin ómirge beıimdegen. Qazir onyń áleýmettik úıinde 62 jetim, múgedek bala turyp jatsa, 244 túlekti baqy­laýǵa alyp otyrǵan jaıy bar. Al bilim salasyn damytýǵa qos­qan úlesi úshin «Standart Sement» JShS marapattaldy. Bul kompanııa óz qarajatyna Ońtústik Qazaqstan oblysy Saıram aýdany Taskesken aýylynda 240 oryndyq jańa úlgidegi mektep salyp, balalar ıgiligine bergen. Joba somasy 214 190 839 teńgeni quraǵan. Bul kúnderi de bul kompanııa mektepke qajetti jóndeý jumystaryn júrgizip otyrady eken. Múgedek jandarǵa qaraılasqany úshin «Merı Keı (Qazaqstan)» JShS «Altyn júrek» ıegeri atandy. Kos­metıkalyq ónimder satýmen aına­ly­satyn atalmysh kompanııa da birqatar qaıyrymdylyq sharalaryn júzege asyrǵan. Sportty damytý da ózektiligin esh joımaq emes. «Nur dala» JShS qu­ryltaıshysy Eseı О́rken degen azamat 32 mıllıon teńge bolatyn óz qarajatyna Ońtústik Qazaqstan ob­ly­sy Mashat aýylynda eń iri sport keshenin salyp, kóptiń ıgiligine bergen. Keńes Odaǵynyń Batyry Baý­yrjan Momyshulynyń 100 jyldyq mereıtoıyna 1 mıllıon teńge qossa, Mashat aýylyndaǵy meshitti jón­de­týge 1,5 mıllıon teńge bólgen. Son­y­men Eseı О́rken de «Sportty da­my­typ, qoldaǵany úshin» «Altyn jú­rek» syılyǵynyń ıegeri atandy. Ardagerlerdi ardaqtaǵan jandar da syılyqtan qalys qalǵan joq. «Jaqyp» sharýa qojalyǵynyń jetekshisi Jumabaı Jaqyp sońǵy jyl­dary Uly Otan soǵysy men eńbek ardagerlerine aıtarlyqtaı kómektesip kele jatqany aıtylyp, jany izgi Jumabaı da abyroıǵa bólendi. «Jyl mesenaty» ataǵy Asta­na­daǵy «ENRC Kazakhstan» JShS-ǵa berildi. Ústimizdegi jyly bul kompanııa Batys Qazaqstan oblysyndaǵy sý tasqynynan zardap shekkenderge 50 mıllıon teńge kóleminde qarjy­laı kómek kórsetken. Bıyl da ob­lystyq onkologııalyq dıspanserge, Sultanov atyndaǵy oblystyq aýrý­hanaǵa 311 mıllıon teńge bólgen. Ardagerler men mádenıet salasyna da qaraılasyp keledi. Jaqsy iske jarshy bolyp, kópti jomarttyq jasaýǵa úndep júrgender arasynda buqaralyq aqparat qural­dary da bar eken. «Altyn júrektiń» Aqparattyq qoldaýshy ataýly syı­lyǵyna «Qazaqstan» telearnasyn­daǵy «Jan jylýy» baǵdarlamasy ıe boldy. Bul baǵdarlamanyń jetimderdi jebep, kómekke muqtajdarǵa qol­daý kórsetip, aýyr naýqasqa shal­dyqqan búldirshinderge qarajat jınap kele jatqanynan kórermender de habardar bolsa kerek. «Jyl uıymy» nomınasııasy boı­ynsha «Altyn qyran» kompanııalar toby marapattaldy. Bul kompanııa qazaq tilin qoldaý úshin «Dısneı» shyǵarǵan «Tachkı-2» mýltfılmin dýblıajdaý isine, resýrstyq, kadrlyq jáne qarjylaı kómek kórsetken. Aınalasyndaǵy jandardyń muńy men muqtajyna beı-jaı qaraı al­maıtyndar bolsa, bul isten mádenıet salasynyń ókilderi de qalys qalmaq emes. «О́ner men qaıyrymdylyq» syı­lyǵy estrada ánshisi Aıjan Nur­maǵambetovaǵa berildi. Bul syı­lyq­tan úmitkerler qatarynda ánshiler Erlan Kókeev pen Maıra Ilııaso­valardyń bolǵanyn aıta ketelik. Saltanatty keshtiń ssenarııin azdap basqa arnaǵa burǵan sát Germa­­nııa­dan alyp-ushyp jetken Vılfrıd Shtaınnyń sahnaǵa kóterilýi boldy. Ol Qazaqstannyń órkende­ýi­ne qosqan syılyǵy úshin ma­ra­pat­tal­dy. Bul syı­lyq­qa Túr­kııa­nyń neırohırýrgııa pro­fes­sory Memet О́zek pen Iordanııa azamaty Adel Sha­dıd te usy­nylǵan bola­tyn. Osydan 10 jyl buryn professor Vılfrıd Qa­zaq­stanǵa qurylys sala­syn­­­daǵy kásipker retinde kelgen. Sodan beri Germanııa aza­maty talaı ıgi iske or­taqtasyp, professor Nur­lan Batpenov basqa­ratyn Travmatologııa jáne ortopedııa ǵylymı-zertteý ınstı­tý­ty­na ártúrli dıag­nostıkalyq qural-jab­dyq­tardy syıǵa tartyp, qazaqstandyq ortoped dárigerlerdiń Germanııada ót­ken semınarlary men kongresterine qatysýyn qarjylan­dyryp otyrǵan. 50-ge tarta áıel adamdar men jas balalardyń óz elinde emdelý aqysyn tólep kelgen. Soń­ǵy mysal, 13 jasar Dıana Álpeshtiń nemis klınıka­la­ryna tóleýi tıis qa­rajattyń qomaq­ty bóligin Shtaın  óz moınyna alypty. Kópshiliktiń aldyna shyǵa bermeıtin nemis professory sahnada tol­qyp sóılep, «Altyn júrek» syı­lyǵynyń óz ómirinde mańyzy bola­tyndyǵyn jáne bul marapatty kózi tiri, 90 jastan asqan anasyna arnaı­tyndyǵyn jetkizdi. Qalaı desek te, aınalasyna sha­paǵatyn shashý arqyly baqytqa kenelip, abyroıǵa bólenip júrgen jan­dardyń osynaý tirligi kópke úlgi. Al «Altyn júrek» ulttyq qoǵamdyq syılyǵy júlde taratýmen shektelgen joq. Árbir ataýly syılyq ıesi úshin elimizdiń aıtýly óner ıeleri sahnadan án, bı, kúıden shashý shashyp, bekzat mýzykaǵa bóledi. Aınash ESALI. Almaty. ––––––––––––––– Sýretterdi túsirgen Bersinbek SÁRSENOV.