QR SIM habarlaýynsha, barlyq taraptar qatysýyn rastady. Aldaǵy kezdesýge Sırııa úkimetiniń jáne sırııalyq oppozısııanyń, sondaı-aq baıqaýshy retinde BUU, AQSh jáne Iordanııanyń ókilderi qatysady.
«Bul kezdesý Sırııadaǵy qarýly qaqtyǵysty toqtatý jóninde qol jetkizgen jetistikterdi saqtaýda úlken ról atqarady. Sondaı-aq daǵdarysty saıası retteýge ótý kezeńinde eldegi jaǵdaıdy ári qaraı turaqtandyrýǵa baǵyttalǵan», dep habarlaıdy mınıstrlik.
«Is-sharanyń bastalýynan bir kún buryn kepilger-elderdiń ókilderi sarapshylar deńgeıinde ekijaqty jáne úshjaqty konsýltasııalar ótkizýge nıetti. Jalpy otyrys barlyq taraptyń qatysýymen 31 qazanda ótedi», delingen habarlamada.
Osydan birneshe kún buryn Sırııa prezıdenti Bashar Asad «ulttyq kelisim men Sırııadaǵy dıalogqa arnalǵan» saıası baǵytty Damask qoldaıtynyn jetkizdi.
Sırııalyq qarýly oppozısııany sırııalyq Erkin armııa Bas shtabynyń basshysy Ahmad Berrı basqarady. Delegasııa ókili Fateh Hassýnnyń aıtýynsha, aldaǵy kezdesýdiń basty taqyryby tutqyndaǵylardy bosatý máselesi bolady dep úmittenedi.
Astanadaǵy kezdesýler qańtar aıynan beri ótkizilip keledi. 14-16 qyrkúıek aralyǵynda ótken Altynshy raýndtyń nátıjesi boıynsha, Sırııada tórt deeskalasııa aımaǵy qurylatyn boldy.
