Halyq senimin nyǵaıtý mańyzdy

Ákimder men qarapaıym halyqtyń jaqyn­dyǵynyń birden-bir kórsetkishi azamattardyń qu­qyq­taryn, bostandyqtary men zańdy múddelerin iske asyrý jáne qorǵaý maqsatynda olardyń óti­nishterin qaraý bolyp tabylady.

О́tinish qaraý arqyly ákimder halyqtyq muń-muq­tajyna, áleýmettik jaǵdaıyna kóz júgirte alady.

Elimizdegi ortalyq jáne jergilikti atqarýshy organdardyń basshylary men olardyń oryn­basar­larynyń jeke tulǵalardy jáne zańdy tulǵalardyń ókilderin qabyldaý tártibi Qazaqstan Respýblıkasy Úkimetiniń 2002 jyldyń 4 qyrkúıegindegi №974 «Qazaqstan Respýblıkasynyń ortalyq jáne jer­gilikti atqarýshy organdarynyń jeke tulǵalardy já­ne zańdy tulǵalardyń ókilderin qabyldaýyn uıym­dastyrý týraly» qaýlysymen bekitilgen.
Kórsetilgen qaýlyǵa sáıkes ortalyq jáne jer­gi­likti atqarýshy organdardyń basshylary men olar­dyń orynbasarlary jeke tulǵalardy jáne zańdy tulǵalardyń ókilderin apta saıyn qabyldaýy tıis.

Atalǵan qaǵıdany elimizdegi ákimder qanshalyqty oryndap júr?

Osy suraqqa jaýap berý maqsatynda Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti taldaý júrgizdi.

Taldaý nátıjesinde joǵaryda atalǵan qaýlynyń talaptaryn barlyq ákimder saqtamaı júrgendigi anyqtaldy. Tipti keıbir ákimder jeke tulǵalardy jáne zańdy tulǵalardyń ókilderin aıyna bir-aq ret qabyldaıdy eken.

Bul zań buzýshylyqtar óz kezeginde memlekettik mekemeniń jumysyna teris yqpal etip otyr. Keıde ótinish ıesi zań sheńberinde berilgen jaýapqa qana­ǵat­tanbaǵandyqtan, mekemeniń birinshi basshysynyń qabyldaýynda bolǵysy keledi. Al basshylyq azamattardy aıyna bir-aq ret qabyldaıtyndyqtan, aryzdanýshy qaıtalama shaǵym túsirýge májbúr bolady.

Osy oraıda Qazaqstan Respýblıkasy Bas pro­ký­ra­týrasynyń Quqyqtyq statıstıka jáne arnaıy esepke alý jónindegi komıteti tarapynan jergilikti atqarýshy organdar basshylarynyń atyna tıisti hattar joldanyp, qabyldaý kestelerin joǵaryda kórsetilgen qaýlynyń talaptaryna sáıkes ózgertý usynyldy.

Elimizdegi jergilikti atqarýshy organdardyń basshylary men olardyń orynbasarlary qabyldaý kestelerin qaıta qarap, olardyń basym bóligi qazirgi tańda jeke tulǵalardy jáne zańdy tulǵalardyń ókilderin apta saıyn qabyldaı bastady.

Aıtylǵan sharalar halyqtyń kókeıkesti máse­le­leriniń oń sheshilýine sebep bolyp, olardyń mem­lekettik mekemege degen senimin arttyratynyna kúmán joq.

Ábý-Álı Sattar,
Qazaqstan Respýblıkasy 
Bas prokýratýrasynyń Quqyqtyq statıstıka jáne arnaıy esepke alý jónindegi komıteti tóraǵasynyń orynbasary