Qazaqstandyq kompanııanyń halyqaralyq qor rynogyndaǵy jetistigi

Qazaqstandyq munaı kom­pa­nııasy «QazMunaı­Gaz» Barlaý О́ndirý» aksıonerlik qoǵamy ha­lyq­ara­lyq qor rynogyna shy­ǵyp, shetel rynogynda otandyq munaı salasyn moıyndatyp kele jat­qa­nyna 5 jyl boldy. Halyq­ara­lyq qor rynogy – IPO-ǵa qa­ry­my myqty, strategııalyq jos­pa­ry jasampaz kompanııalar ǵana ene alsa kerek. Osy oraıda «QazMunaıGaz» Barlaý О́ndirý» AQ-tyń atqa­ryp jatqan, alda da atqarar jumystary aýqymdy eke­nin baıqaýǵa bolady. «Qaz­Mu­naıGaz» BО́» AQ munaıdy barlaý men óndirýde elimizdegi jaýapty ári iri kompanııalardyń biri. Sol sebepti ol sheteldik jáne otan­dyq qor rynogyndaǵy erkin saý­da­ǵa óz aksııalaryn shyǵarǵan tuń­ǵysh otandyq munaı kom­panııasy. Kompanııa IPO-ǵa engen 5 jyl ishindegi ju­mystaryna baılanys­ty roýd-shoý uıymdastyryp otyr. Roýd-shoý aıasynda «Qaz­MunaıGaz» Barlaý О́ndirý» AQ birqatar otandyq jáne sheteldik ınvestorlar men sarapshylar, jýr­nalıster qaýymy­men kezdesip, óziniń sońǵy jyldary atqar­ǵan jumystary men aldaǵy jos­parlary jóninde baıandap, Qa­zaq­standaǵy eń ashyq kompanııa retinde beker moıyndalmaǵanyn taǵy bir aıǵaqtady. Roýd-shoý Almaty qalasyn­da­ǵy qazaqstandyq zeınetaqy qor­la­rynyń ókilderimen jáne osy rynoktyń sarapshylarymen kezdesýden bastaldy. Kezdesýlerde halyqaralyq qor rynogyna engen kezden bergi atqarylǵan ju­mys­tary jáne jetken jetistikterimen bólisti. Sondaı-aq, kom­pa­nııa­nyń qazirgi damý barysy men 3 jylǵa jumys jospary naq­ty­landy. Kezdesýden keıingi ar­naıy brıfıngte «QazMunaı­Gaz» Barlaý О́ndirý» AQ bas dı­rek­tory Asqar Baljanov jýrnalıster saýaldaryna jaýap ber­di. «Qazir bizdiń elimizdegi ǵana emes, búkil álemdegi qor rynok­ta­ry qıyn-qystaý kezeńdi bastan keshirýde. Áıtse de biz osy jaǵ­daıǵa qaramastan, jylyna kem degende bir ret bolsa da ınvestorlarmen jáne sarap­shylarmen kezdesý uıymdastyrýǵa tyry­sa­myz. Jahandyq ekonomıkadaǵy prob­lemalar áli de saq­ta­lýda, bir­aq osy­dan bes jyl buryn, 2006 jyl­dyń qa­zan aıynda «Qaz­Mu­naıGaz» Barlaý О́ndirý» IPO-ǵa shyqty. Qazir biz munaı óndirý kólemi jaǵynan Qazaqstandaǵy eń iri úsh munaı kompanııasynyń qataryn­damyz. Bizdiń basty basymdy­ǵy­myz – «QazMunaıGaz» ulttyq kom­panııasymen aradaǵy tyǵyz qa­rym-qatynas. Osynyń arqa­syn­da, biz ásirese qurlyqta orna­las­qan munaı-gaz aktıvterine qol jetkizip otyrmyz. IPO-dan keıingi bes jyldyń ishinde osy ba­sym­dyqtardyń arqasynda bizdiń kompanııa úlken ósim kórsetti. Mı­no­rıtarlyq aksıo­­nerlerimizdiń múd­desin qorǵaýǵa baǵyttalǵan korporatıvtik basqarý júıesi de biz­diń ilgeri damýymyzdyń basty elementteriniń biri. Bizdiń kom­pa­nııanyń IPO-sy – Qazaqstan úshin memleket pen mınorıtarlyq ın­ves­torlardyń munaıgaz sala­syn­da­ǵy birlesken tamasha jobasy»,– dedi Asqar Baljanov. Kompanııa aksııalarynyń qor rynogynda sátti bolýy kompa­nııa­nyń korporatıvtik basqarýyna tikeleı baılanysty. Sonda ǵana ınvestorlardyń qyzyǵý­shy­ly­ǵy artyp, kompanııanyń tynysy ke­ńeıetinin túsinip otyrǵan kompanııa bul baǵytta tıimdi jumystar atqaryp keledi. Munaı kompa­nııa­sy bolǵan soń onyń ekologııalyq jaýapkershiligi men eńbek qaýip­siz­digin saqtaý máselelerine de jiti nazar aýdarylady. Qor rynogyna ený arqyly kom­­panııanyń áleýetin qalyń jurt­shylyqqa pash etip, otandyq jáne sheteldik ınvestorlardy tar­­tý úr­disi bizdiń elimizde damı qoıma­ǵandyǵy belgili. Halyq­ara­lyq qor bırjasynda qa­rymyn baıqa­typ otyrǵan sheteldik kom­panııa­lar­dyń ishinen ulttyq «Qaz­Munaı­Gaz» kompanııasynyń enshiles uıy­my «QazMunaıGaz» Barlaý О́ndirý» AQ-tyń oryn teýip, bes jyl jemisti jumys atqaryp kele jatqandyǵy qýantarlyq jaǵdaı. Kezdesý barysynda «Qaz­Mu­naıGaz» BО́» AQ-tyń bas geology Bazar Esqoja 2018 jylǵa deıin alyp ón­diris oshaǵynyń munaı qo­ry qazirgi 290 mıllıon ton­na­nyń ústine 116 mıllıon tonnaǵa deıin tolyǵatynyn aıtty. Byl­tyrǵy jyly «QazMunaıGaz» BО́» AQ enshiles kompanııalardaǵy úles­terdi sanaǵanda 13 mıllıon tonnadan astam munaı óndirdi. Kompanııa 2020-jylǵa qaraı álem­degi jetekshi 30 munaı kompanııasy qat­a­ryna kirý maqsatyn qoıyp otyr. Ol úshin aıqyndap alǵan naqty damý strategııasy bar. «QazMunaıGaz» Barlaý О́ndi­rý» aksıonerlik qoǵa­mynyń ón­diristik keshenin arttyryp otyr­ǵan «О́zen­munaıgaz» ben «Embi­munaıgaz» kásiporyndary bolyp tabylady. Sońǵy kezderi «О́zen­munaıgaz» ujymynyń bir bóligi oqtyn-oqtyn ereýilge shyǵyp, ón­diristiń qalypty jumysyna kedergi keltirgeni belgili. Or­yn­syz ereýil óz shegine jetip, ju­mys­shylary qyzmet or­yn­da­ry­nan aıy­rylǵandyǵyn kompanııa bas­shysy As­qar Baljanov BAQ ókil­derine arnalyp ótkizilgen brıfıngte: «Bıyl biz birinshi ret ereýilshilerdiń talap-tilegin or­yn­daǵan joqpyz. О́ıtkeni, sońǵy jyldary kompanııa áleýmettik shy­ǵyndardy molaıtyp, jalaqy­ny ósirdi. Tipti sharyqtaý shegine jetti desek, artyq aıtqandyq emes. Demek, jumys berýshi retinde biz jumysshylar aldyndaǵy mindettemelerimizdi tolyq oryn­dap shyqtyq. Onyń ústine, ereýildi túrli deńgeı­degi sot oryndary zańsyz dep tanydy. Deı turǵan­men, biz sońyna deıin sabyr saqtadyq. Úsh aıǵa sozylǵan ereýil kezinde jumysqa shyqpaǵan 2,5 myń adamnyń bir jarym myńy jumystaryna oraldy, al óki­nish­ke oraı, jumysqa shyqpaǵan 990 adam jumystan bosatyldy», – dep túsindirip ótti. «Egemen-aqparat».