Komıssııa tóraǵasynyń aıtýynsha 2017 jyldyń 29 qazan kúni ótken saılaý qorytyndysy boıynsha Batys Qazaqstan oblystyq máslıhatyna – 1, Oral qalalyq máslıhatyna – 1, aýdandyq máslıhattarǵa – 6 depýtat saılanǵan. Atap aıtsaq, olar: BQO máslıhatyna – «Aqsaıgaservıs» AQ prezıdenti Tilek Shektibaev, Oral qalalyq máslıhatyna – «Vodakanalstroıservıs» JShS dırektory Ánýar Muqataev, Bórli aýdandyq máslıhatyna – «Project Group» JShS-niń aýdarmashysy Málıka Mahaýova, Jánibek aýdandyq máslıhatyna – M.Yqsanov atyndaǵy Jánibek kolledjiniń dırektory Berik Ihsanov, Qaztalov aýdandyq máslıhatyna – №4 Tereńkól saılaý okrýgi boıynsha Qaztalov aýyldyq okrýginiń ákimi Sársenbaı Moldashev, Qaztalov aýdandyq máslıhatyna – №12 Kókterek saılaý okrýgi boıynsha «Raıymbek» sharýa qojalyǵynyń jetekshisi Rýslan Sarbaev, Terekti aýdandyq máslıhatyna – №2 Aqsýat saılaý okrýgi boıynsha jeke kásipker Qaırat Ádilhanov, Terekti aýdandyq máslıhatyna – №5 Podstepnoe saılaý okrýgi boıynsha Terekti kolledji dırektorynyń orynbasary Ersaıyn Násipov.
- Barlyq deńgeıdegi saılaý komıssııalarynyń jumysy bekitilgen kúntizbelik josparǵa saı júrgizildi. Saılaýǵa barlyǵy 26 kandıdat usynylsa, onyń 18-i ózin-ózi, 8-in saıası partııalar usynǵan. Saılaýǵa saıası parııalar men senim bildirgen adamdar qatarynan 96 baıqaýshy jáne 7 BAQ ókili baıqaý júrgizdi. Barlyq saılanǵan depýtattar joǵary bilimdi, onyń ishinde 1-ýi áıel bolsa, qalǵan 7-ýi erler. Sondaı-aq, olardyń 2-ýi bıznes ókili, 2-ýi jeke kásipker, 3-ýi bilim salasynyń ókili, 1-ýi aýyldyq okrýg ákimi. Saılanǵan depýtattardyń ortasha jasy 49,3 quraıdy, - dedi Ǵ.Qapaqov.
Qazbek QUTTYMURATULY,
«Egemen Qazaqstan»
Batys Qazaqstan
