Kıno • 31 Qazan, 2017

Almatyda túrki fılmderi festıvaliniń ashylýy ótti

174 retkórsetildi

Ál-Farabı atyndaǵy QazUÝ-de Túrki dú­nıesi derekti fılmderi II halyqaralyq kınofestıvaliniń ashylý saltanaty bolyp ótti.  

Qazaq jerinde shymyldyǵyn túrip otyrǵan bul sharanyń negizgi maqsaty – túrkitildes eldermen rýhanı yntymaqtastyqty arttyra otyryp, túrki dúnıesiniń mádenı qundylyqtaryn derekti fılmder arqyly jarııalaý, nasıhattaý jáne bir-birimen aqparat almasý. Byltyr Túrkııanyń Ystanbul shaharynda bastaý alǵan kınofestıval, bıyl ekinshi ret Qazaqstanda uıymdastyrylyp otyr. Bul festıval keler jyly Túrikmenstanda, odan ári Qyrǵyzstan, Bashqurtstan, Tatarstan syndy jalpy alǵanda alty túrkitildes elde ótkiziletin bolady.

«Birlik – tilde, senimde jáne iste» uranymen Túrki dúnıesi Jýrnalıster federasııasy men ál-Farabı atyndaǵy QazUÝ birlesip uıymdastyryp otyrǵan sharaǵa kásibı jáne áli tanyla qoımaǵan jas rejısserlerdiń úzdik týyndylary usynyldy. Alýan túrli taqyrypty qaýzaǵan fılmder jańashyl baǵytymen, sony mazmunymen kóńil aýdardy. Mysaly, festıvaldiń kórermenge usynǵan alǵashqy týyndysy «Taza aqparaq» fılmi ushqan qus, júgirgen ańnan ózge tyrs etken tirshilik nyshany bilinbeıtin Týndradaǵy áppaq álemniń ishinde ómir súrip jatqan qarapaıym ıakýt otbasy týraly tolǵaıdy. О́rkenıetten jyraqta, jyl on eki aı siresken aq qar men kishkentaı ǵana kúrkeniń ishinde ómir súrip jatqan bir úıli jan ne úshin tirshilik keship júr? О́mirge kelgen soń arqalaıtyn muraty bar ma? Jalpy olar ne týraly oılaıdy? Shanaǵa ıt jegip, qaraǵaı qulatyp, ot jaǵyp, aınalasyna alqa-qotan otyryp áńgimeleskennen basqa ne óneri bar? Adamzat kóshiniń arbasynan túsip qalǵandaı aspan men jerden ózge aınalasynda eshnársesi joq osy bir úıli jan álem týraly tolǵana ala ma? Rejısser qarapaıym otbasynyń ómirinen túsirgen 20 mınýttyq fılmi arqyly órkenıetke jutylyp bara jatqan bútin bir ulttyń taǵdyryna arasha suraǵandaı...

Festıval aıasynda qonaqtar men stýdentterge budan ózge Qazaqstan rejısseri Mirǵalym Esirkepovtiń «Ishtvan Qońyr Mandokı», Bash­qurtstan rejısseri Tańsholpan Býrakeevanyń «Bashqurt áıeliniń kıimi», qyrǵyz elinen kelgen stýdent rejısser Kýbanychbek Qasıettiń «Oımaq», Tatarstannan kelgen Salavat Iýzeevtiń «Kókshel qus» fılmderi tanystyryldy.

Túrki dúnıesi derekti fılmderi II Halyq­aralyq kınofestıvaliniń qurmetti qonaq­tary retinde ál-Farabı atyndaǵy QazUÝ-diń rektory, akademık Ǵalymqaıyr Mutanov, Túrki dúnıesi Jýrnalıster federasııasynyń prezıdenti, ORT TV prezıdenti, Túrki dúnıesi derekti fılm­der kınoforýmy komıtetiniń prezıdenti Menderes Demır, Túrki dúnıesi Jýrnalıster federasııasynyń fes­tıval dırektory Týran Shahın, Ystanbul mýnısıpalıtet mádenı jobasynyń dırektory Salıh Dogan, Kıno federasııasynyń dırektory Mehmet Gýlerýz, Túrkııa premer-mınıstri Yntalandyrý qorynyń ókili Isa Iaıla, taǵy basqa túrkııalyq tanymal kınomamandar men baýyrlas elderdegi óner ókilderi qatysty.

Aıgúl AHANBAIQYZY,
«Egemen Qazaqstan»

ALMATY

Banner
Sońǵy jańalyqtar

Eli qoldaǵan qundy qujat

Qazaqstan • Búgin, 09:02

Damýdyń sapaly kezeńi

Qazaqstan • Búgin, 09:01

Halyq únine qulaq asatyn memleket

Qazaqstan • Búgin, 08:57

«Qazaqmys» jospardy asyra oryndamaq

Ekonomıka • Búgin, 08:55

Turar týraly tolǵady

Rýhanııat • Búgin, 08:53

Ataýlar men esimder – eldiktiń belgisi

Qazaqstan • Búgin, 08:51

Altyn Orda tarıhy tarazylandy

Rýhanııat • Búgin, 08:48

Temir jol tasymaly jetildirile túsedi

Qazaqstan • Búgin, 08:43

Bir ótinishpen – birneshe qyzmet

Qazaqstan • Búgin, 08:42

Bolgarııada ótken basqosýǵa qatysty

Parlament • Búgin, 08:37

Qaterli isiktiń aldyn alýǵa bolady

Medısına • Búgin, 08:30

EAEO: endigi daý kómirge qatysty

Álem • Búgin, 08:26

Masyl bolma, asyl bol!

Qazaqstan • Búgin, 08:25

Benzın qymbattaı ma?

Qazaqstan • Keshe

«Syryńdy aıtshy, dúnıe...»

Rýhanııat • Keshe

Eń qysqa áńgime. Yrysbek Dábeı

Eń qysqa áńgime • Keshe

Eń qysqa áńgime. Amangeldi Seıithan

Eń qysqa áńgime • Keshe

Eń qysqa áńgime. Serjan Zákeruly

Eń qysqa áńgime • Keshe

Eń qysqa áńgime. Janat Jańqashuly

Eń qysqa áńgime • Keshe

Kitap oqyp, rýhanı baı bol

Qazaqstan • Keshe

Juldyzdaı aǵyp ótken

Aımaqtar • Keshe

«Kóktem aýylynyń» aqsaqaly edi

Rýhanııat • Keshe

Abaı ulaǵaty – urpaqqa amanat

Rýhanııat • Keshe

Qyrǵyz eli Abaıdy ardaqtady

Rýhanııat • Keshe

Uqsas jańalyqtar