Birinshiden, «Rýhanı jańǵyrý» baǵdarlamasyna sáıkes, elimizdiń ózen-kólderine arnaıy saıahat jasap, olardyń tarıhyn tereńirek taný arqyly ulttyq bolmysymyzdy jańǵyrtý. Ekinshiden, komıtetke qarasty sý resýrstary nysandarynyń jumysyn əleýmetke nasıhattaý.
«Esterińizde bolsa, Elbasy N. Á. Nazarbaev «Rýhanı jańǵyrý – bolashaqqa baǵdar» atty maqalasynda «Týǵan jerdiń árbir saıy men qyrqasy, taýy men ózeni tarıhtan syr shertedi. Árbir jer ataýynyń tórkini týraly talaı-talaı ańyzdar men áńgimeler bar. Osynyń bárin jas urpaq bilip ósýge tıis» degen edi. О́tkizgeli otyrǵan jobamyz osydan bastaý alady. Sý resýrstary – memlekettiń mańyzdy strategııalyq resýrstarynyń biri sanalady. Elimizdiń ekonomıkalyq múmkindikteriniń artýymen biz el qaýipsizdigine tikeleı qatysy bar sý resýrstaryn retteý, strategııalyq mańyzdy sý nysandarynyń qurylysyn jańǵyrtý men jańa obektilerdi turǵyzý jumystaryn júrgize aldyq. Atalǵan aýqymdy isterde Sý resýrstary komıteti men oǵan qarasty uıymdardyń qomaqty úlesi orasan», - deıdi Sý resýrstary komıtetine qarasty «Qazsýshar» RMK-niń Baspasóz hatshysy Azamat Baıǵalıuly.
Jobaǵa elimizge belgili buqaralyq aqparat quraldarynyń ókilderi, televızııa men ınternet-jýrnalıstıkanyń tanymal ókilderi tartylyp otyr. Olar – «Habar» Agenttigi ınternet dıreksııasy dırektorynyń orynbasary, belgili ınternet-sarapshy О́rken Kenjebek, kásibı fotograf, jýrnalıst, «Qazkontent» ınternet-arnasynyń úılestirýshisi Maksım Rojın, «Daryn» memlekettik jastar syılyǵynyń laýreaty, «Bolashaq» baǵdarlamasynyń stıpendıaty Rahat Jaqsybaı, belgili bloger, ınternet-sarapshy Iаkov Fedorov jəne Vaq.kz aqparattyq portalynyń bas redaktory Erjan Ábdiraman.
Osy top eki kún boıy Ońtústiktegi ondaǵan sý nysandary men ózen-kólderdi saıahattap, sý mamandarymen suhbattasyp, áleýmettik jeli men aqparat quraldarynda kórgen-bilgenin bólisip otyrmaq.
