Korporasııa aldyn ala tapsyrysty 27 qazanda qabyldaǵan bolatyn. Al kórshiles Reseıdegi telefondar sol kúni birneshe mınýt ishinde satylyp ketti. Tehnologııa taqyrybynda jıi jazatyn Sýltan Sýleımanov esimdi tilshi sý jańa qurylǵyny bir kún qoldanyp, óz áserimen bólisti
Telefonnyń «kekili» qıyndyq týǵyzbady
Qurastyrýshylar telefonnyń ústińgi bóligine frontaldi kamera men sensorlaryn ornalastyrdy. Sol sebepti telefonnyń «kekili» bar sekildi kórinedi. Buryn aıfonnyń ekrandary tik buryshty bolǵan, al jańa dızaınerlik sheshim qanshalyqty yńǵaıly bolatyny ázirge belgisiz.
Alaıda jýrnalıstiń aıtýynsha is júzinde bul eshqandaı qıyndyq týdyrmaıdy, ári kózge tańsyq kórinbeıdi.
«Úıge» aparatyn batyrmanyń joqtyǵyna tez úırenesiz
Apple «úıge» aparatyn dóńgelek batyrmasynan bas tartty. Endi onyń ornyna ekran jalǵasyp jatyr. Gadjetti qolǵa alǵan kezde ekran ózdiginen qosylatynyn eskersek, bul batyrmanyń qajettigin baıqamaısyz.
Taǵy bir aıta ketetin jaıt, endigi kezekte batyrmanyń atqaratyn qyzmetin saýsaq qımyldary arqyly oryndaýǵa bolady. Mysaly, saýsaǵyńyzdy ekranǵa tıgizip tómennen joǵary qaraı qozǵaltsańyz, telefonnyń qosymshalary beınelengen ekrany ashylady. Al saýsaǵyńyzdy jarty jolda toqtatsańyz sońǵy ashylǵan qosymshalardyń tizimi shyǵady. Qosymshalardy jabý úshin úırenshikti «tómennen joǵary qaraı» qozǵaltý ádisin qoldansańyz bolǵany. Buryn dál osy ádispen búkil ekranǵa ashylyp turǵan sýretterdi jabatyn edik.
FaceID
Home batyrmasymen birge aıfon saýsaq izin skanerleıtin sensorsyz qaldy. Biraq onyń ornyna FaceID keldi. Ol bet-álpetti taný arqyly telefondy bloktan shyǵaratyn jańa fýnksııa. Sýltan Sýleımanov bul qurylǵynyń jumysyn túrli synaqtan ótkizgen: kózine kıgen kózildirigi men basyna kıgen bas kıimi FaceID qyzmetine nuqsan keltirgen joq.
Tilshiniń aıtýynsha, bul fýnksııa telefondy qolǵa almaı bloktan shyǵarý kerek kezde ǵana yńǵaısyz bolýy múmkin. TouchID bar kezde saýsaqtyń ushyn bir tıgizip qosylatyn telefondy endi tek ekran betine úńilip, nemese qupııa sóz terý arqyly ǵana ashýǵa bolady.
Korpýs: qaptama kııý úshin tym ádemi
Ári qaptamasyz ustaý úshin de tym ádemi
iPhone X onyń aldyndaǵy Apple smartfondaryna qaraǵanda erekshe kórinedi. Onyń ekrany ramasyz, aınalasy bolatpen al artqy paneli shynydan jasalǵan.
Qaptama kıgizgende telefonnyń ásem dızaıny kórinbeı qalady. Biraq saqtyq úshin qaptamany kıgizgen jón. Sebebi, synyp qalǵan ekrandy jóndeý qymbatqa túsedi.
О́lshemi: 8 Plus qolda ustaýǵa yńǵaısyz deıtinderge keremet
iPhone X ólshemi boıynsha iPhone 7/8 qurylǵysynan úlken, al 7 Plus/8 Plus-ten kishirek. iPhone X ekrany 8 Plus ekranymen birdeı, biraq qolda ustaýǵa áldeqaıda yńǵaıly.
Animoji
Emodzı arqyly sóılesý óte kúlkili deıdi Sýltan Sýleımanov.
Aıgúl ShERNIIаZ,
«Egemen Qazaqstan»
