Partııa qatary tolyqty

Ǵabıt Músirepov aýdanynda aýdanaralyq týberkýlezge qarsy kúres dıspanseriniń ashylǵanyna kóp bola qoıǵan joq. Qazir munda júzge jýyq adam eńbek etedi. «Nur Otan» HDP-nyń jergilikti belsendilerin dıspanserge aýdan ákimi Marat Tasmaǵanbetov bastap keldi. Ol óz sózinde Tóraǵasy Elbasy bolyp tabylatyn saıası uıymnyń el ómirindegi basty qoz­ǵaýshy kúshke aınalǵanyn, halyq aldynda bedeldi ekenin atap kórsetti. Odan keıin jergilikti jaǵ­daı­ǵa keńinen toqtaldy. «Nurotan­dyq­tardyń» belsene aralasýymen áleýmettik-ekonomıkalyq salalarda tabystar tolysa túsken. Egin oraǵy qorytyndylanyp, 1,5 mıllıon tonnadan astam astyq jınalǵan. 3271 partııa músheleri 18 bastaýysh partııa uıymdaryna, 125 partııa toptaryna toptasa oty­ryp, úlgi bolarlyq ister atqa­ryp keledi. Bıyldyń ózinde 232 adam partııaǵa múshelikke ót­ken. Olardyń 186-sy naqty sektorda jumys isteıdi. Jıyn sońynda bir top adamǵa partııa bıletteri tabys etilip, partııalyq top quryldy. О́mir ESQALI, Soltústik Qazaqstan oblysy.