– Matchtyń qandaı eseppen aıaqtalatynyn bilmeımin. Biraq kúpti kóńilimiz ótken oıynda qaldy dep úmittenemin. О́z alańymyzda endi ese qaıtarý úshin barymyzdy salamyz.
– Sońǵy kezderi jankúıerlerińiz jıi synǵa alyp júr...
– Bul túsinikti ǵoı, olar komandadan tek jaqsy nátıje kútedi. Bárimizdiń 100% berilip oınaǵanymyzdy qalaıdy. Árıne, ár kezdesýde jeńiske jetý úshin biz de aıanyp qalmaımyz.
– Komanda sońǵy kezderi kóp gol jiberetin bolyp júr. Munyń sebebi nede dep oılaısyz?
– Qorǵanysta saq oınap, shabýyldy nátıjeli aıaqtaý – komandanyń basty mindeti. Biz birge qorǵanyp, birge shabýylǵa shyǵamyz. Sondyqtan bul olqylyǵymyzdy tek bir pozısııadaǵy oıynshylarǵa jaba salý durys emes.
– «Astanany» bul kezdesýde favorıt dep esepteısiz be?
– Sońǵy kezdesýge qarap, eki komandanyń deńgeıin salystyrsaq, onda bul oıynda «Astana» sózsiz favorıt. Biraq, jaǵdaıdy tolyqqandy óz qolymyzǵa alyp, jeńiske jetkimiz keledi. Biz bul keshte jankúıerler kútken oıyndy kórsete alamyz. «Vılıarrealmen» bolǵan kezdesýde ózimizdi quddy óz úıimizde oınap jatqandaı sezindik. Erteń de jankúıerler barynsha qoldaý kórsetedi degen senimdemin.
– Bapkerińiz komandada birneshe oıynshynyń jaraqat alyp qalǵanyn aıtty...
– Fýtbolda bastysy fýtbolshylardyń bir-birin túsinip oınaýy. Eger qatardan bireý shyǵyp qalsa, ornyn toltyrýymyz kerek. Bizdiń mindetimiz bul prosesti neǵurlym tezirek aıaqtaý.
Almas MANAP,
«Egemen Qazaqstan» – Netanııadan (Izraıl)
