«Jas ulan-2017»: áskerı ánder festıvali bastaldy

Festıvaldiń negizgi maq­sa­ty áskerge shaqyrylýǵa deı­ingi, shaqyrý jasyndaǵy já­ne armııalyq jastarǵa, ás­ke­rı qyzmetshiler men olar­dyń otbasy múshelerine áskerı-patrıottyq tárbıe berý boıynsha jumysty jandandyrý, kórkemónerpaz armııalyq oryndaýshylar men ujymdardyń shyǵarmashylyq turǵyda ósý­lerine qoldaý kórsetý.  

Baıqaý sharty boıynsha bar­lyq qatysýshylardyń óneri bir­qatar ólshemshart boıynsha ba­ǵalanady. Atap aıtqanda, úmitkerler áskerı taqyryptaǵy shy­ǵarmalardy, qazaqstandyq saz­­gerlerdiń nemese oryn­daý­shy­lardyń týyndylaryn, je­ke av­t­orlyq mýzykalyq shy­ǵar­ma­lardy, folklorlyq jan­r­da­ǵy shyǵarmalardy oryndaıtyn bolady. 

Festıvalǵa qatysýshylar úsh atalym boıynsha óner kór­setedi. Oryndaýshy-vokalıster, fo­lklorlyq oryndaýshylar, vokaldyq-aspaptyq ansamblder men oryndaýshylar. Irikteý aınalymynan keıin qazylar al­qasy úzdik oryndaýshylar­dy anyqtaıdy. Olardyń aty-jónderi aldymyzdaǵy 3 qara­sha­da Astana qalasynda ótetin she­shýshi kezeńde, ıaǵnı, gala-konsertte belgili bolady. 

Eske salsaq, «Jas ulan» ar­mııalyq ánder festıvali 1997 jyldan bastap ótkizilip ke­ledi. Baıqaýdyń áskerı qyz­metshilerdiń ǵana emes, sonymen birge azamattyq turǵyndar ara­syn­da da úlken súıispenshilik pen tanymaldylyqqa ıe eken­di­gin aıta ketken lázim. 

Qaırat JÚNISULY