Munda 15 tereze jumys jasaıdy. Turǵyndar endi osy jerden elektrondy eńbek bırjasyna, halyqqa qyzmet kórsetý ortalyǵyna, aýyl ákimderimen baılanysqa shyǵa alady. Jańa ortalyqtyń ashylýyna qatysqan elimizdiń «Eńbek resrýastaryn damytý ortalyǵy» AQ-nyń prezıdenti Dáýlet Arǵyndyqovtyń aıtýynsha, ortalyqta jumys berýshilerge erekshe nazar aýdarylady.
Jumys izdeýshini enbek.kz saıtynan tabýǵa bolady. Ol úshin jumys berýshiniń «Jeke kabınetine» bos oryn týraly málimet, talaptar men biliktiligi jáne eńbekaqy týraly málimet qaldyrsa jetkilikti. Ortalyqtyń oqytý, kásibı beıimdeý, eńbekpen qamtý sııaqty jeke qyzmetteri bızneske beriledi. Bul maqsatta 1,5 mlrd teńge bólinipti. Jeke menshik agenttikteri úshin qyzmet elektrondy eńbek bırjasynda da qarastyrylǵan. Ol jerde 19 jeke menshik agenttik ózderiniń bos jumys oryndary týraly málimetti ornalastyrady, al jaqyn arada ınternet-alańdarda bos oryndar men túıindemeler paıda bolady.
Ortalyqta jumys berýshilerdiń qoldaý zaly, jumys isteýge jáne oqýǵa nıet bildirgender úshin izdenýshiler zaly bar. Múgedek jandar úshin yńǵaıly pandýs joly jasalǵan.
Farıda Byqaı
«Egemen Qazaqstan»
Pavlodar
