Oblystyq tarıxı-ólketaný mýzeıiniń basshysy Rashıda Harıpovanyń aıtýynsha, jumys alańynan shyqqan súıekter arnaıy zertteýler júrgizilip, syzbalary syzylyp alynǵannan keıin jınalyp, aýyl mańyndaǵy beıitke qaıta jerlenip jatyr. Onyń sózinshe, ejelde munda orys kazaktarynyń, noǵaılardyń jáne ony altynshy ǵasyrdaǵy qazaqtardyń jerlengeni belgili.
Súıekterdiń astynda Saraıshyq qalasy ornalasqan. Ol Jaıyq ózeniniń jaǵasyndaǵy apatty jaǵdaıdaǵy qazba ornyn saqtap qalý maqsatyndaǵy arheologııalyq qazba jumysynyń bıyldan bastap qolǵa alynǵandyǵyn jáne 2020 jylǵa deıin jalǵasatynyn da habarlady. Aıaqtalǵan qazba oryndaryn restavrasııalaý bastalǵan.
Jalpy qazba jumystaryna tarıh ǵylymdarynyń doktory, arheolog Zeınolla Samashev ǵylymı jetekshilik etedi. Al, jaǵany bekitý jumysyn júrgizip jatqan merdiger kompanııanyń ókili Asqar Tólenov qurylys 2018 jyldyń basynda aıaqtalady dep josparlanǵanyn aıtty. Buǵan deıin Mádenıet jáne sport mınıstrligi shahardy qalpyna keltirý úshin 100 mıllıon teńge bóletinin habarlady. Qazirde qalanyń ornyn týrıstik ortalyqqa aınaldyrý kózdelip otyr.
