Boz kilem básekesi eki kúni boıy ADCC jáne IBJJF erejelerine sáıkes túrli salmaq dárejeleri boıynsha ótti. Týrnırge Qazaqstannyń túkpir-túkpirinen kelgen 200-ge jýyq jetkinshekter jáne eresekter qatysty. Almaty qalasynyń namysyn Kazakhstan Top Team klýbynyń 7 sportshysy qorǵady. Olar «GI» jáne «NO GI» nusqalary boıynsha synǵa tústi.
-Jarys óte joǵary deńgeıde ótti. Biz óte rızamyz. Árıne, kelesi jyly qatysýshylardyń sany arttyna senemiz. Jalpy aıtatyn bolsaq, jarys deńgeıi jáne djıý-djıtsý men grepplıng bizdiń elde qarqyndy damyp keledi. Aqtóbe qalasynda qazir osy sport túrimen aınalysatyndardyń sany jyldan-jylǵa artyp keledi. - dedi Qazaqstandyq djıý-djıtsý jáne grepplıng federasııasy atqarýshy dırektory Mıgel Mamyrbaev.
Baıraqty básekeniń alǵashqy kúni jańadan boı kótergen sport nysanynda 7 men 17 jas aralyǵynda jetkinshekter jáne erler «GI» nusqasy boıynsha ózara myqtyny anyqtady. Birinshi kúnniń qorytyndysy boıynsha, Almaty quramasy qorjynǵa 3 altyn, 1 kúmis jáne 1 qola júldeler jıyntyǵyn saldy. Týrnırdiń ekinshi kúni almatylyqtar júldesiz qalmady. «NO GI» nusqasy boıynsha jarys jolyna shyqqan 33 djıtserdiń ishinde ońtústik astananyń sportshylary 7 altyn men 1 qolany utyp aldy.
-Týrnır óte qyzyq boldy. Qarsylastarda jaqsy daıyndalǵan. Almatyn júlde alǵanyma qýanyshtymyn. Endi Almatyda ótetin aqtyq básekede barymdy salyp, jaqsy óner kórsetýge daıyndalamyn , - dep almatylyq sportshy Batyrhan Muratuly óz oıymen bólisti. Sporttyq sharanyń basty maqsaty, Qazaqstanda djıý-djıtsýdy damytyp, elge tanytý, sport pen salaýatty ómir saltyn nasıhattaý, sportshylardyń sheberlikterin arttyrý, úzdikterdi anyqtaý. Jarys qorytyndysy boıynsha, jeńimpazdar men júldegerlerge medaldarmen, dıplomdar tabystaldy.
