Jıynǵa jetekshilik etken Áleýmettik-mádenı damý komıtetiniń tóraǵasy Gúlmıra Iksanova Májilistegi mundaı kezdesý qoǵamnyń ózekti máselelerin sheshýge úlesin qosqysy keletin árbir adamnyń óz usynystaryn jasaı alatyn tıimdi dıalog alańy ekenin atap ótti.
Al otyrys aıasynda sarapshylar buqaralyq aqparat quraldarynda radıo habarlar taratý, aqparat, baılanys, aqparattyq qaýipsizdik salasyndaǵy zańnamany jetildirýdiń negizgi baǵyttary boıynsha pikir almasyp, halyqaralyq sarapshylardyń usynymdaryn talqylady.
Sonymen qatar qatysýshylar sóz bostandyǵy men aqparat taratý salasyndaǵy halyqaralyq talaptarǵa, sondaı-aq ratıfıkasııalanǵan halyqaralyq sharttar boıynsha Qazaqstan Respýblıkasynyń halyqaralyq mindettemelerine sáıkes zań jobalary boıynsha usynys, pikirlerin bildirdi.
Jalpy qazirgi zamanaýı qoǵamda buqaralyq aqparat quraldarynyń róli óte kúrdeli ári asa mańyzdy ekeni sózsiz. Osyǵan baılanysty otyrysta BAQ jumysynyń negizgi qaǵıdattaryn shoǵyrlandyrý arqyly atalǵan saladaǵy zańnamalyq quqyq qoldaný tájirıbesin damytýdyń irgeli negizderin qalyptastyrý tetikteri aıtyldy.
Alqaly jıynǵa Parlament Májilisiniń depýtattary men atalǵan zań jobasy boıynsha jumys tobynyń músheleri, Aqparat jáne kommýnıkasııalar mınıstrliginiń, múddeli memlekettik organdardyń ókilderi men Astanadaǵy EQYU Baǵdarlamalar keńsesiniń jáne BUU Adam quqyqtary jónindegi Joǵarǵy komıssarynyń basqarmasy, IýNISEF balalar qory sııaqty halyqaralyq uıymdardyń ókilderi qatysty.
Nurlybek DOSYBAI,
«Egemen Qazaqstan»
