Qazaqstan Respýblıkasynyń Sybaılas jemqorlyqqa qarsy 2015-2025 jyldarǵa arnalǵan strategııasynda memlekettik qyzmet pen kvazımemlekettik saladaǵy osyndaı qylmystarǵa qarsy kúresti aıryqsha ataǵan.
Kvazımemlekettik sektorda eldiń IJО́ 60 paıyzy óndiriledi, al satyp alýlar kólemi memlekettik satyp alýlardan 3-5 ese artyq. «Sybaılas jemqorlyqqa qarsy kúres týraly» Zańda kvazımemlekettik sektor sýbektileriniń basqarý qyzmetterin atqaratyn adamdardyń quqyq buzýshylyqtary osy zańmen jazalanady.
Biraq osy sektordyń, memlekettik holdıngter men ulttyq kompanııalarynyń uıymdastyrý-bólý jáne ákimshilik-sharýashylyq fýnksııalaryn atqaratyn qyzmetkerleriniń quqyq buzýshylyqtarynyń jaýapkershiligi atalǵan zańda qarastyrylmaǵan. Sondaı-aq sybaılas jemqorlyqpen ustalǵan memlekettik qyzmetkerler osy zańnyń baptarymen jazalansa, kvazısektordaǵylardyń osyndaı qylmystary bul zańmen qýdalanbaıdy. Al Esep komıteti jyl saıyn ulttyq kompanııalar men memlekettik kásiporyndar qyzmetkerleriniń kóptegen zań buzýshylyqtaryn áshkerelep jatady.
«Aq jol» demokratııalyq partııasy Úkimetke kvazımemlekettik sektor salasyndaǵy jymqyrý qylmystaryn sybaılas jemqorlyqqa qarsy zańmen qýdalaý qajettiligin birneshe ret aıtyp, osy máselege baılanysty zań jobasyn ázirleý qajettigin usyndy. Alaıda mundaıdan Úkimet turaqty túrde bas tartyp keledi.
Biraq «Aq jol» partııasy fraksııasynyń osy máseleni tabandy túrde talap etýiniń arqasynda aqyry Qarjy mınıstrligi osy zańnyń jobasyn jasap, ústimizdegi jyldyń 12 maýsymynda tusaýkeserin jasaǵan edi. Zań jobasy «Keıbir zańnamalyq aktilerge memlekettik jáne kvazımemlekettik sektor sýbektilerindegi satyp alýlar máselesi boıynsha ózgerister men tolyqtyrýlar engizýler týraly» dep atalǵan-tyn.
Onda kvazımemlekettik sektordaǵy satyp alýlar jaýapkershiligi kúrdeli túrde qaıta qaralǵan edi. Mysaly, kvazımemlekettik sektordyń laýazymdy qyzmetkerleri sybaılas jemqorlyq zań buzýshylyqtarymen qýdalanatyn sýbektiler qataryna engizilgen. Alaıda osy zań jobasy tusaýkeserden keıin joǵalyp ketti, ol Parlament Májilisiniń qaraýyna túsken joq.
Sóıtip ekonomıkanyń asa iri segmentindegi sybaılas jemqorlyqqa qarsy kúres jaýapkershilikti arttyra almaı qaldy. Sonyń kesirinen orasan kóp qarajatty bólýde jaýapkershiliktiń zor emes ekenin sezingen sheneýnikter ony ońdy-soldy shashyp, sol úshin tek sógis arqalap nemese syıaqylarynan aıyrylý sııaqty jazalarmen ońaı qutylyp júr.
Biz mundaı tásildi durys emes dep sanaımyz, kvazımemlekettik sektorǵa memlekettik ekonomıkalyq saıasattyń mindetterin oryndaýy úshin qazynanyń orasan zor qarajatyn bólý mindeti senip tapsyrylǵan. Al eger sektor qyzmetkerleri ony jymqyrýmen aınalyssa, jaýapkershiligi de tıisti zańnyń baptaryna sáıkes bolýy kerek.
Sondyqtan biz Qarjy mınıstri Baqyt Sultanovqa kezekti ret depýtattyq saýal joldap, kvazımemlekettik sektor qyzmetkerleriniń jaýapkershiligin arttyratyn zań jobasyn ázirleýdi usyndyq.
Keńes ABSATIROV,
Májilis depýtaty
Sýretterdi túsirgen
Orynbaı BALMURAT,
«Egemen Qazaqstan»
