Olar ózderiniń ónimderiniń sapasyn arttyrý maqsatynda qazaqstandyq kásipkerler men joǵaryda kórsetilgen daqyldardy ósiretinder tuqymdaryn jınaý boıynsha ártúrli, onyń ishinde sheteldik tuqym sharýashylyqtaryna jáne ǵylymı-zertteý ınstıtýttaryna júgine otyryp turaqty jumystar júrgizýde eken.
Alaıda búgingi tańda Qazaqstan Respýblıkasynyń «О́simdikterdiń jańa sorttaryn qorǵaý jónindegi halyqaralyq konvensııaǵa» (Parıj, 1961 j.) qosylmaǵandyǵyn jáne «О́simdikterdiń jańa sorttaryn qorǵaý jónindegi halyqaralyq odaqtyń» múshesi (ári qaraı – Uıym) bolmaǵandyǵyn negizge ala otyryp, sheteldik tuqym sharýashylyqtary men ǵylymı-zertteý ınstıtýttarynyń bularǵa tuqym jetkizýden bas tartýyna baılanysty, osynaý otandyq kompanııalarda kúrdeli másele týyndap otyr.
Atalǵan Uıym – ósimdik tuqymdaryn asyldandyrýshylarǵa zııatkerlik quqyǵyn bere otyryp, ósimdikterdiń jańa sorttaryn shyǵarýmen aınalysatyndardyń jetistikterimen tek ózderiniń múshelerin ǵana qamtamasyz etý maqsatynda qurylǵan.
О́simdikterdiń jańa sorttaryn qorǵaý quqyǵynyń joqtyǵyna baılanysty sheteldik suryptaýshylar ósimdikterdiń jańa sorttaryn qorǵaý jónindegi halyqaralyq konvensııaǵa qosylmaǵan memleket rezıdentterimen seriktestik qatynastar qurýǵa nıetteri bolmaı otyr. Sondyqtan osy jaǵdaı Qazaqstanǵa álemdegi suryptaý jetistikteri men tehnologııalarynyń kelýine kedergi bolyp, otandyq agrarlyq sektorynyń damýyna keri áserin tıgizýde.
Osyǵan baılanysty biz Premer-Mınıstr Baqytjan Saǵyntaevqa depýtattyq saýal joldap, «О́simdikterdiń jańa sorttaryn qorǵaý jónindegi halyqaralyq odaq» pen «О́simdikterdiń jańa sorttaryn qorǵaý jónindegi halyqaralyq konvensııaǵa» qosylý jumystaryn sheshýdi múmkindiginshe tezirek júrgizýdi suradyq. Asyl tuqymdy óskinder otandyq kásipkerlerimizge tezirek jetse, olardyń eńbek ónimdiligi de artyp, ónimderiniń sapasy da, salmaǵy da arta túsken bolar edi.
Serik JAQSYBEKOV,
Senat depýtaty
