«Josparlanǵan 37 kópqatarly turǵyn úıdiń 29 qurylysy aıaqtaldy. Qalǵandary jyl sońyna deıin paıdalanýǵa beriledi», deıdi oblystyq qurylys basqarmasynyń basshysy Málik Amanov.
Keler jylǵa júktelip otyrǵan mindet te az emes. Qaladaǵy «Nursaıa», «Bereke» yqshamaýdandary taǵy da 43 turǵyn úımen tolyǵady. Oblys ortalyǵy mańynda ornalasqan Talǵaırań, Aqjar aýyldarynda jańa yqsham aýdandar boı kóteredi. Qazir osyǵan baılanysty 361,78 ga jer telimi ıgerilip jatyr.
Oblystyń bas qurylysshysy atyraýlyqtardyń «Nurly jer» memlekettik baǵdarlamasyna suranysy joǵary ekenin aıtady. Búginge deıin 68 otbasy ıpotekalyq qaryzdardy sýbsıdııalaıtyn jańa baǵdarlama arqyly baspanaǵa qol jetkizgen.
«Jyl sońyna deıin taǵy da jeti otbasy jańa páter kiltin alady. «Nurly jer» baǵdarlamasy aıasynda 2016 jyldan beri kommersııalyq bankterdegi ıpotekalyq qaryzdy sýbsıdııalaý naýqany bastalǵan edi. Sýbsıdııalanatyn qaryz tólemi 10 paıyz, qalǵan bóligin «Qazaqstan ıpotekalyq kompanııasy» tóleıdi. Baǵdarlamanyń tıimdi sharttary turǵyndardyń kóńilderinen shyǵýda,» deıdi «Qazaqstan ıpotekalyq kompanııasy» Atyraý aımaqtyq bólimshesiniń dırektory Əlimjan Dabysov.
Aımaqta, sondaı-aq. əleýmettik az qamtylǵan turǵyndarǵa nesıelik jəne jalǵa beriletin myń jarym pəter salý josparlanǵan. Munaıly aımaqtaǵy qurylystyń qarqyny joǵary ekenin qurylysy júrip jatqan 10 mektep, 13 balabaqsha, úsh densaýlyq saqtaý nysany, 11 mádenıet úıi, tórt sport kesheninen de baıqaýǵa bolady. Aýdandarda 10 qatty turmystyq qaldyqtar polıgony salynady. Sonymen qatar, «Atyraý oblysy Jaıyq ózeniniń sýyn molaıtý jáne gıdrologııalyq rejımin jaqsartý» jobasy boıynsha jumystar aıaqtalýda. Jaıyq jáne Qıǵash ózenderin sýlandyrý boıynsha joba – smetalyq qujattama jasaqtalyp, jergilikti bıýdjetten jumystardy bastaýǵa qarjy bólindi. Al oblys ortalyǵyndaǵy qurylysy toqtap qalǵan konsert zalyn akvaparkke aınaldyrý jaıly ınvestorlardan usynys túsken. Júzege asyp ketse, qabyrǵalary ǵana qalanyp, qańyrap turǵan ǵımarattyń sáni kirer edi.
Baqytgúl BABASh,
«Egemen Qazaqstan»
ATYRAÝ.
