Elbasy N.Á. Nazarbaevtyń bıyl bergen tapsyrmasyna sáıkes jańa jyldan bastap zeınetaqy kóleminiń mólsheri 2016 jylmen salystyrǵanda 20 paıyzǵa kóbeıtiledi. Osylaısha memleket áleýmettik mindettemeler boıynsha tıisti sharalardy júzege asyrýda.
«1 qańtardan bastap Qazaqstanda yntymaqty zeınetaqy kólemi (eńbekti) 8 paıyzǵa, bazalyq zeınetaqy jáne basqa da járdemaqy túrleriniń kólemi 6 paıyzǵa ósedi. Sonymen birge, bazalyq zeınetaqyny taǵaıyndaýdyń ádis-tásilderi de ózgeredi. Máselen, búginde bazalyq zeınetaqy tólemderi eńbek ótili esepke alynbaı barlyǵyna birkelki berilip kelse, 2018 jyldyń 1-shildesinen bastap eńbek ótiline qaraı eseptelip bólinetin bolady. Dál qazir elimizde bazalyq zeınetaqy alatyn 2 mln 139 myń adam bar. Olardyń 44,1 paıyzynyń bazalyq zeınetaqysy eki esege kóteriletin bolady. Iаǵnı, bul zeınerkerler búgingi kúni – 14 466 myń teńge alatyn bolsa, 1 shildeden – 28 274 teńge zeınetaqy alady», dedi Eńbek jáne halyqty áleýmettik qorǵaý vıse-mınıstri Svetlana Jaqypova.
