Eske sala ketsek, jobaǵa daýys berý 100esim.el.kz saıtynda 18 qazan kúni bastalǵan bolatyn. Onlaın daýys berýge 302 kandıdat usynylyp, úmitkerler qyzmet salasy boıynsha 6 sanatqa bólingen. Iаǵnı, ǵylym - 45 adam, sport - 42 adam, qoǵam - 86 adam, medısına - 46 adam, mádenıet - 37 adam jáne bıznes - 46 adam. Daýys berýge usynylǵan kandıdattar eldiń barlyq oblystaryn qamtyp otyr.
Osy rette 6 sala boıynsha eń kóp daýys jınap, qatarlastarynan oq boıy ozyp shyqqan úmitkerlerdi terip kórelik. Atap aıtqanda, 2316 daýys jınaǵan Parolımpıada chempıony Zúlfııa Gabıdýllına sport salasynda eń kóp daýysqa ıe úmitker eken. Al Tatıana Kýcher 2533 daýys jınap, ǵylym salasynda kósh basyna shyqqan. Jobadaǵy eń kóp daýys jınaǵandardyń biri - mádenıet salasyndaǵy kompozıtor, pıanınoshy Rahat-Bı Abdysaǵyn (5035). Alaıda bıznes salasyndaǵy kóshbasshynyń daýysy odan da kóp. Ondaǵy shymkenttik mesenat Qaırat Moldaseıitov 7449 daýys jınap, jobaǵa qatysýshy kásipkerlerdiń aldyna shyqqan. Aq halatty abzal jandardyń ishinde Lázzat Aıtqojına 3669 daýys arqyly kósh bastasa, qoǵam salasynyń úzdigi Bella Gazdıeva 5162 daýys jınaǵan.
Aıta ketsek, «Qazaqstannyń 100 jańa esimi» jobasyn iske asyrý nátıjesinde Qazaqstannyń damýyna qomaqty úles qosqan adamdardyń naqty tarıhy mysalynda qoǵamda tabystylyq ıdeıalaryn, merıtokratııa, básekelestik prınsıpterin, bilim jáne pragmatızm kýltyn nasıhattaý jáne damytý arqyly qoǵam sanasyn rýhanı jańǵyrtý kózdeledi.
