Qazaqstan Respýblıkasynyń Elordasy – Astana qalasynyń 20 jyldyǵyn daıyndaý jáne ótkizý jóninde shtabtyń otyrysynda konkýrsty ótkizý týraly birqatar usynystar qarastyrylyp, 2017 jyldyń 6 qarashasy men 27 qarasha aralyǵynda 22 kúntizbelik kúnge sozylatyn konkýrs jarııalaý týraly ortaq pikir qabyldandy. Konkýrsqa ótinimder jeke jáne zańdy tulǵalardan qabyldanatyn bolady (shyǵarmashylyq toptar, jarnama agenttikteri men fırmalar, sýretshiler, sáýletshiler, jobalyq uıymdar, avtorlyq ujymdar).
Sonymen qatar, úzdik brendbýkti (BrandBook) tańdaıtyn saraptaý komıssııasy (budan ári – Komıssııa) quryldy.
Konkýrstyń maqsaty – Qazaqstan Respýblıkasynyń Elordasy – Astana qalasynyń 20 jyldyǵyna oraı tarıhı-mádenı sabaqtastyqty, sonymen qatar respýblıka astanasynyń bolashaq damýynyń tendensııalaryn eskeretin, qala ımıdjiniń jańarýyna jáne onyń ózindik erekshelikteriniń bekýine áserin tıgizetin, brend-býk, logotıp pen uran jasaý boıynsha jaqsy konseptýaldy jobalardy anyqtaý.
Úzdik dep tanylǵan logotıp pen uran Qazaqstan Respýblıkasynyń Elordasy – Astana qalasynyń 20 jyldyǵyn atap ótý, aqparattyq sebepti qalyptastyrýǵa baǵyttalǵan jarnamalyq, marketıngtik jáne basqa da sharalarda ári qalanyń mádenı, týrıstik jáne áleýmettik potensıalyn jaqsartýǵa paıdalanylady.
Konkýrstyń qorytyndysy boıynsha komıssııa úzdik brenbýkti tańdap, jeńimpazǵa 8 000 000 (segiz mıllıon) teńge tabystaıdy.
Baıqaý erejesimen myna jerde tanysýǵa bolady.
