Ortalyq Azııadaǵy ózekti máseleler talqylandy

N.Germandy osy jaýapty laýazymǵa taǵaıyndalýymen quttyqtaǵan Senat Tóraǵasy atalǵan Ortalyqtyń Prezıdent N.Nazarbaevtyń bastamasy bo­ıynsha qurylǵanyn, BUU OAPDAO shtab-páteri beıtarap Túrikmenstannyń elordasyn­da ornalasqanyn, ol osy halyq­aralyq uıymnyń nátıjeli qyz­meti úshin kóptegen is atqarǵanyn  atap ótti.

Júzdesýshiler kóptegen adam qurban bolatyn jáne mate­rıa­l­dyq shyǵyn ákeletin qaqtyǵystar men soǵystardy boldyrmaýda tıim­di qural retinde prı­ven­tıvti dıplo­matııa­nyń mańyzy arta túskeni týraly ortaq pikir bildirdi. Q.Toqaev BUU Bas hat­shysynyń osy ba­ǵyt­taǵy kúsh-jigerin Qazaq­stan­nyń qoldaı­tynyn aıtty.

Taraptar Ortalyq Azııadaǵy barlyq ózekti máselelerdi sheshýde, atap aıtqanda sý tóńiregindegi jáne Aýǵanstanǵa kómektesýdegi birlesken is-qımyldyń keleshegin talqylady.

Q.Toqaev BUU Aımaqtyq or­ta­lyǵynyń kún tártibin jáne BUU Ortalyq Azııaǵa arnal­ǵan Prıventıvti dıplomatııa jónindegi aımaqtyq ortaly­ǵynyń 2018-2020 jyldarǵa ar­nalǵan is-qımyl baǵdarlamasyn iske asyrý jónindegi kúsh-jigerdi Qazaqstannyń qoldaıtynyn aıtty. Senat basshysy aımaqtyq qaýipsizdik pen turaqtylyqty qamtamasyz etý, Ortalyq Azııa­daǵy ekonomıkalyq yntymaq­tastyqty damytý Qazaqstannyń BUU Qaýipsizdik Keńesindegi ju­my­s­yndaǵy basym baǵyttar eke­nin atap ótti.

BUU Qaýipsizdik Keńesine Qa­zaq­stannyń aldaǵy ýaqyttaǵy tóraǵalyq etýi aıasynda 2018 jyly qańtarda ótkizý kózdelip otyr­ǵan joǵary deńgeıdegi pikir­saıys Aýǵanstandaǵy ahýaldy ret­teý joldaryn izdestirýge ar­na­lady. Senat Tóraǵasy Qa­zaq­­stan­nyń BUU Qaýipsizdik Ke­ńesine tór­aǵalyq etý saltanatyn Mem­leket basshysy ashatynyn habarlady.

Q.Toqaev jahandyq qaýip­siz­dikke yqpal etetin kezdesýler men kelissózder ótip júrgen As­tananyń halyqaralyq bedeldi orta­lyq retindegi mańyzyn da atap ótti. Sırııaishilik kelissóz­der­diń nátıjesi oǵan dálel bolyp otyr.

N.German BUU Ortalyq Azııa­­­ǵa arnalǵan Prıventıvti dıp­­­lo­matııa jónindegi aımaqtyq or­ta­lyǵynyń óńirdegi qyzmetin qoldaýǵa qosqan zor úlesine oraı Qazaqstanǵa alǵys aıtty,  sonymen qatar aımaqtyq jáne ja­han­dyq yntymaqtastyqty nyǵaıtýǵa baǵyttalǵan Astananyń halyq­aralyq bastamalaryna joǵary baǵa berdi.