Foto: inform.kz
Kitapty Qazaqstan Respýblıkasynyń QHR-daǵy Elshiliginiń qoldaýymen «Sınsın» korporasııasynyń qarjylaı qoldaýymen «Jenmın» memlekettik baspasy shyǵardy. Kitapty Beıjiń ýnıversıtetiniń professory E Iýnlýnnyń basshylyǵyndaǵy aýdarmashylar alqasy aýdardy, redaktory - QHR Jazýshylar odaǵynyń múshesi, Qytaı memlekettik syılyǵynyń laýreaty, QHR Jazýshylar odaǵynyń «Qytaı jazýshylary» jýrnalynyń bas redaktory Ákbar Májıt.
Tusaýkeserge kitap avtory, Brıtanııa parlamentiniń burynǵy múshesi Djonatan Aıtken, QR Aýyl sharýashylyǵy mınıstri Asqar Myrzahmetov, Qazaqstannyń QHR-daǵy Elshisi Shahrat Nuryshev, QHR syrtqy ister mınıstriniń kómekshisi (orynbasary) Lı Hýeılaı, jazýshy Ákbar Májıt, Beıjińde akkredıtasııadan ótken Ázerbaıjan, Armenııa, Grýzııa, Reseı, Tájikstan Túrikmenstan, О́zbekstan dıplomatııalyq ókildikteriniń basshylary, Ýkraına, Moldova, Ulybrıtanııa, t.b. elderdiń dıplomattary, ShYU basshylyǵy, Qytaıdyń ǵylymı jáne shyǵarmashylyq ıntellıgensııasy, qazaq dıasporasy, sondaı-aq BAQ ókilderi qatysty.
Sharada A. Myrzahmetov jınalǵandarǵa kitaptyń mazmuny jáne egemendi Qazaqstannyń qalyptasýy men damýyndaǵy Nursultan Nazarbaevtyń róli týraly áńgimelep berdi. Shara qatysýshylary Qazaqstannyń órkendeýi, Qazaqstan men Qytaı arasyndaǵy yntymaqtastyqtyń jańa deńgeıge kóterilgeni jáne ondaǵy Nursultan Nazarbaevtyń orny jaıly oı bólisip, Qazaqstannyń «Bir beldeý, bir jol» jobasynyń asa mańyzdy qatysýshysy ekenin tilge tıek etti.
