Qujat erejesine sáıkes, «Qazaqmys korporasııasy» JShS Bank RBK kapıtalyna 160 mlrd teńge salý týraly sheshim qabyldady. О́z kezeginde, QR Ulttyq banki jaqyn arada Banktiń shamamen 240 mlrd teńge somasynda bank sektorynyń qarjylyq turaqtylyǵyn arttyrý baǵdarlamasyna qatysý týraly ótinimin qaraıdy.
Bank RBK qalypqa keltirý maqsatynda shamamen 600 mlrd teńge somasyndaǵy problemalyq zaımdardy jeke arnaıy qurylǵan kompanııaǵa berý týraly sheshim qabyldandy. Sondaı-aq, taraptar RBK bankiniń kvaımemlekettik qurylym depozıtterin qaıtarýy problemalyq zaımdardy qaıtarý shamasy boıynsha júrgiziledi dep kelisti.
Bank RBK ótimdiliktiń túsýine qaraı áleýmettik turǵydan mańyzdy tólemder boıynsha mindettemelerdi oryndaı bastaıdy.
Atalǵan jáne ózge de keshendi sharalardy iske asyrý Bank RBK-ny qarjy qyzmetter naryǵynda turaqty ári senimdi seriktes etip, bankti tutastaı qalypqa keltirip, ótimdilikti júıelendirýge múmkindik beredi.
2017 jylǵy 1 qazandaǵy jaǵdaı boıynsha «Bank RBK» AQ aktıvteri 970,7 mlrd teńgeni quraǵan, qaryz portfeli — 717,8 mlrd teńge, klıentter qarajaty — 570,4 mlrd teńge, sonyń ishinde jeke tulǵalardyń salymdary — 194,5 mlrd teńgeni quraıdy. Esep berý kúnindegi Bank RBK jeke kapıtaly 97,6 mlrd teńgeni, jarǵylyq kapıtal — 64,4 mlrd teńgeni quraǵan. 2017 jyldyń 9 aıyndaǵy bank kirisi 3,1 mlrd teńgeni quraǵan. Bank Astana, Almaty, Aqtaý, Aqtóbe, Atyraý, Qaraǵandy, Kókshetaý, Pavlodar, Taldyqorǵan, О́skemen, Shymkent, Semeı jáne Ekibastuz qalalarynda bar.
