Atalǵan mobıldi oqý ortalyqtary 2017 jyly bastaý alǵan «Barshaǵa arnalǵan tegin kásiptik-tehnıkalyq bilim berý» jobasyn iske asyrý aıasynda quryldy.
A. Aımaǵambetov aıtyp ótkendeı, pılottyq rejımde toǵyz osyndaı ortalyq elimizdiń bes aýdanyna baǵyttaldy. Búginde Aqtóbe, Qostanaı jáne Shyǵys Qazaqstan oblystarynda alty oqý ortalyǵy paıdalanýǵa berildi. Aqmola men Mańǵystaý oblystarynda mobıldi oqý ortalyqtaryn satyp alý júrgizilip jatyr.
A. Aımaǵambetovtyń aıtýynsha, mamandary bar jabdyqtalǵan kólikter men avtobýstar jer-jerlerge baryp, adamdarǵa naqty mamandyqtardy, negizinen tehnıkalyq mamandyqtardy oqytady. Kýrstar jergilikti kolledjderdiń jáne jumyspen qamtý ortalyqtarynyń janynan uıymdastyrylady.
«Bir mobıldi ortalyqta oqytý birden bes biliktilik boıynsha júrgiziledi. Ázirge atalǵan jumys pılottyq rejımde iske asyrylyp jatyr. Sonyń nátıjesine súıene otyryp, kelesi jyly jumys elimizdiń basqa da óńirlerinde jalǵasady», — dep atap ótti Bilim jáne ǵylym vıse-mınıstri.
