QR IIM «Sý tasqyny qaýpiniń aldyn alý jáne olardy joıý boıynsha 2017–2020 jyldarǵa arnalǵan sharalar kesheni» jol kartasynyń oryndalýyna monıtorıng júrgizedi. Jol kartasynda barlyǵy 862 is-shara, onyń ishinde aýmaqtar men eldi mekenderdi tasqyn sýlardyń zııandy áserinen qorǵaýdy qamtamasyz etý, gıdrotehnıkalyq qurylystardy jóndeý boıynsha, sondaı-aq ulttyq gıdrometeorologııalyq qyzmetti damytý men jańǵyrtý máseleleri kózdelgen.
Ishki ister mınıstrligine Jol kartasynyń kelesi is-sharasyn oryndaý júktelgen — «Astana qalasyn Esil ózeniniń tasqyn sýy basýynan qorǵaý» obektisinde qosymsha bermalardy engizý.
«Qazirgi ýaqytta jospardy qarjylandyrý sheńberinde 2017 jylǵy 10 qyrkúıekten uzyndyǵy 2,5 shaqyrym bógenniń eki ýchaskesinde bermalardy qurý boıynsha jumystar bastaldy, oryndalǵan jumystardyń kólemi 80% astamdy quraıdy», - dep atap ótti Q. Qasymov.
Qazgıdrometke kelesi jylǵy tasqyn kezeńinde qysqy-kóktemgi kezeńde jetýi qıyn jerlerde ólsheýler men zertteýler júrgizý úshin ótimdiligi joǵary kólikti bólý týraly sheshim qabyldady.
Tasqynnan zardap shekken Petropavl qalasynda Úkimet rezerviniń qarajaty esebinen Kojevennyı aýylyndaǵy jalpy uzyndyǵy 3,1 km qorshaý bógenin jóndeý júrgizilýde.
«Búgingi kúni atqarylǵan jumystardyń kólemi shamamen 80%-dy quraıdy jáne qurylystyń osyndaı qarqyny saqtalǵan jaǵdaıda, jumystar aǵymdaǵy jylǵy 10 jeltoqsanǵa qaraı aıaqtalatyn bolady», - dep baıandady Q. Qasymov.
Aýyl sharýashylyǵynyń birinshi vıse-mınıstri Q. Aıtýǵanov, sý tasqyny qaýpiniń aldyn alý maqsatynda AShM janynan sý tasqynyna qarsy komıssııa quryldy, barlyq respýblıkalyq sý qoımalarynda kezekshilik kestesi bekitildi, basseın ınspeksııalaryna bıyl qarasha aıynyń sońyna deıin respýblıkalyq menshiktegi gıdrotehnıkalyq nysandardy yqtımal sý tasqyny qaýpine qatysty tekserýdi aıaqtaý tapsyryldy.
Otyrys barysynda Aqmola oblysynyń ákimi M. Myrzalınniń, Soltústik Qazaqstan oblysy ákimi Q. Aqsaqalovtyń, Shyǵys Qazaqstan oblysynyń ákimi D. Ahmetovtiń, Qaraǵandy oblysy ákimi E. Qoshanovtyń, Almaty oblysy A. Batalovtyń, Ońtústik Qazaqstan oblysynyń ákimi J. Túımebaevtyń, Qyzylorda oblysynyń ákimi Q. Kósherbaevtyń, Jambyl oblysynyń ákimi K. Kókirekbaevtyń esepteri tyńdaldy.
Talqylaý qorytyndysy boıynsha Baqytjan Saǵyntaev Premer-Mınıstrdiń birinshi orynbasary Asqar Mamınge barlyq máselelerdi óńirlerdiń basshylarymen selektorlyq keńeste jete talqylaýdy tapsyrdy. Qarjy mınıstrligine Jol kartasy boıynsha aqshalaı qarajatty ýaqytyly bólý máseleleri júkteldi. Sý tasqynyna qarsy qaýiptiń aldyn alý boıynsha Jol kartasynyń oryndalýyn baqylaý Premer-Mınıstrdiń birinshi orynbasary Asqar Mamınge júkteldi.
