Gosreestr.kz saıtyndaǵy málimetke sáıkes, klýbtyń alǵashqy baǵasy 248 mln 983 myń teńge bolyp belgilengen. О́ńirdiń Qarjy basqarmasy satyp alǵan adamnyń aty jónin aıtpady. Sebebi, esimi jarııa bolǵan jaǵdaıda klýbtan bas tartýy múmkin. Belgilisi, aýksıonǵa 5 adam qatysqan.
Basqarma ókilderiniń aıtýlarynsha, jańa qojaıyn basqarýǵa senip tapsyrylǵan ýaqyt ishinde «Ordabasyny» qarjylandyrýǵa 120 mln teńge quıa otyryp, barlyq jumys oryndaryn saqtap qalýy tıis. Keıinnen klýbty tolyqtaı satyp ala alady.
Eske salaıyq, bul Shymkenttik fýtbol klýbyn satýǵa qatysty ekinshi saýda-sattyq. Osy jyldyń shilde aıynda klýb elektrondy saýdaǵa qoıylyp, jarty mıllıard teńgege satylǵan bolatyn. Degenmen satý-satyp alý kelisimsharty sol kúıinde júzege aspaı qalǵan edi.
