Skanerleý kezindegi jyldam áreket etetin QR-kody taqtaısha basqarma ǵımaratynda ornatyldy. QR-kodty jumysta da, kádimgi plakat, kitaphanada, quttyqtaý qaǵazyna deıin paıdalanýǵa bolady.
Barlyǵy sizdiń qııalyńyzǵa baılanysty. Kez-kelgen aqparatty saqtaý úshin de paıdalana alasyz.Telefondaǵy baǵdarlama kodtan aqparatty oqıdy jáne ony daıyn túrde beredi, ıaǵnı sizdiń ýaqytyńyzdy únemdeıdi. Al, basqarma ǵımaratyna ornatylǵan kod arqyly oblystyq mádenıet basqarmasy jaıly úsh tilde aqparat alasyz. Turǵyndar tarıhı jáne arhıtektýralyq nysandar jaıly barlyq aqparattardy osy kod arqyly biledi. Aldaǵy ýaqytta oblys ortalyǵyndaǵy ár eskertkishke jyldam áser etý kodtary bar taqtaıshalar qoıylady.
Iаǵnı, smartfondardaǵy arnaıy qosymsha arqyly qajetti maǵlumatty alý yńǵaıly. Aqparat latyn qaripinde úsh tilde usynylady. Oblys turǵyndary óńir tarıhymen tanysady. Budan basqa taqtaıshalar tarıhı jáne arhıtektýralyq mańyzy bar 45 ǵımaratqa ornalastyrylady.
Farıda Byqaı
«Egemen Qazaqstan»
Pavlodar
