Oǵan bul páter memleket tarapynan jalǵa berilse kerek. Turaqty jumysy joqtyqtan ári jan baǵý úshin túrli jumystar izdegendikten Damır Inıýshev jylý beretin mekemege edáýir qaryz bolyp shyǵa kelgen. Eger ol jaqyn arada 30 myń teńge qaryzyn ótemese jáne jalǵa alǵan páteriniń aqysyn tólemese, ony úıden shyǵaryp jiberedi. Damır Inıýshev óz basyndaǵy jaǵdaıdy aıtyp, «Otbasy ortalyǵy» qoǵamdyq qoryna keldi.
Sońǵy kezderi Semeıde ómirdiń túrli talqysyna túskende kómek beretin jańa júıe iske qosylǵan. Osyndaı kúrdeli jaǵdaılarda «Otbasy ortalyǵy» bastamasymen arnaıy jumys toby qurylyp, qala ákiminiń orynbasary Nadejda Sharovanyń basshylyǵymen jáne tıisti mekeme, uıym ókilderi bastaryna is túsken otbasylar men jekelegen adamdarǵa kómektesip keledi.
– Men «Jastar» kolledjin aspaz-kondıter mamandyǵy boıynsha bitirdim, – deıdi Damır Inıýshev, – qaladaǵy Jumyspen qamtý ortalyǵy memlekettik mekemelerdegi túrli ashanalarǵa birneshe ret jumysqa jiberdi. Biraq barlyǵy da ýaqytsha ǵana alady. Keıde jekemenshik ashanalar jumysqa alatyn. Biraq bul jerlerde de jumys berýshilerdiń turaqty ustaýǵa qulyqtary joq. Áıteýir kelip-ketetin jumys qolyna úırenip alǵan. «Jastar tájirıbesi» baǵdarlamasymen nemese qoǵamdyq jumys retindegi joldamamen kelgenderdi ǵana alady. О́ıtkeni stıpendııany «Jumyspen qamtý» baǵdarlamasy tóleıtindikten, jumys berýshiler óz qaltalarynan kók tıyn shyǵarǵysy kelmeıdi.
Sonymen Damır «Jylýkommýnenergo» mekemesine 22 myń teńge jáne páterge 8 myń teńge tóleýi kerek.
Qaladaǵy TÚKSh bólimi bastyǵynyń orynbasary Amantaı О́tepbaevtyń aıtýynsha, «Jylýkommýnenergo» KMK boıynsha qaryzdy óteý úshin atalǵan mekemege baryp, jaǵdaıdy túsindirý kerek. Osylaısha qaryzdy bólip tóleý máselesi sheshiledi. Desek te, jas jigit ony qandaı aqshasymen bólip tólemek, osy jaǵy túsiniksiz. Jáne ol qalaı kún kóredi? Oǵan Semeıdegi meıramhanalar ashanalardyń birinen turaqty jumys qajet.
Raýshan NUǴMANBEK,
jýrnalıst
SEMEI
