Qaısybiri elordanyń mádenı oshaqtarynda tuńǵysh ret úlken sahnadan óner kórsetip, sonyń ózinen rýhanı lázzat aldy. Ásirese, bar ónerin kórermenniń aldyna jaıyp salyp, onymen tikeleı qarym-qatynas ornatatyn, kórermenniń rýhanı álemine ózgeshe órnek salýdy maqsat etetin án, sırk, teatr áleminiń jas ónerpazdary úlken sahnanyń qyry men syryna, qadir-qasıetine qanyqty. Qazylar alqasynyń quramyndaǵy tanymal óner qaıratkerleriniń keńesin tyńdap, olardyń sheberlikterin tamashalady.
Máselen, bıyl «Klassıkalyq mýzyka» atalymy boıynsha qazylar alqasynyń quramyna shaqyrylǵan mýzykalyq aspaptardyń sheber oryndaýshylary, Reseı halyq ártisi, N.Jıganov atyndaǵy Qazan memlekettik konservatorııasynyń rektory Rýbın Abdýllın men Sankt-Peterbýrg konservatorııasynyń professory Alekseı Lıýdevıg sheberlik dáristerin ótkizdi. Sondaı-aq dál osy atalym boıynsha qazylar alqasynyń múshesi, Iordanııadan kelgen qonaq, Korol Hýseın Qorynyń Ulttyq mýzyka konservatorııasynyń dırektory Muhammed Sydyk elordalyq akademııalyq fılarmonııamen birge Bethovenniń 5-shi konsertin oryndady.
Sheberlik demekshi, «Beıneleý óneri» atalymy boıynsha «Shabytqa» kelgen jas sýretshiler óz elimizdiń aty ańyzǵa aınalǵan tulǵalaryn shyn ómirde kórip, olardyń sheberlik synyptaryna qatysty. Belgili músinshi Toqtar Ermekov jas daryndardyń aldynda qyzdyń músinin jasap, músinniń árbir detalin jasaýdyń qupııasyn túsindirip berdi. Bul atalym boıynsha qoldanbaly ónerdiń maıtalmandary qataryndaǵy Quttybek Jaqypov, Bátıma Záýirbekova da jastarǵa ónerdiń qyr-syryn uqtyrdy.
Jalpy aıtar bolsaq, bıyl jıyrmasynshy ret ótkizilgen baıqaýda jas óner ıelerine qoıylǵan talap joǵary deńgeıde deýge negiz bar. О́ıtkeni barlyq shyǵarmalar muqııat iriktelip, suryptalyp, laıyqty bir deńgeıge jaýap beretinderi ǵana ekinshi kezeńge ótkizilgen. Bul týraly «Shabyt» bastala qalǵanda Memlekettik syılyqtyń laýreaty, aqyn, «Úzdik ádebı shyǵarma» atalymy boıynsha qazylar alqasynyń jetekshisi Nesipbek Aıtuly, «Beıneleý óneri», «Klassıkalyq mýzyka» atalymdary boıynsha qazylar alqasynyń jetekshileri belgili músinshi Toqtar Ermekov pen professor Raısa Musaqojaeva da aıtqan bolatyn. Sóıtse de baıqaý bolǵan soń onyń bir núktesi, qorytyndysy bolady desek, keshe elordadaǵy «Astana» konsert zalynda ótken Gala konsertte jeńimpazdardyń, ıaǵnı, ár atalym boıynsha Gran-prı ıegerleri men Prezıdent Kýbogi ıegeriniń aty-jóni jarııalanyp, tıisti syılyqtaryna qol jetkizdi.
Sonymen «Úzdik ádebı shyǵarma» atalymy boıynsha jas jazýshy Qanat Ábilqaıyr, «Beıneleý óneri» atalymynda Ánel Álibaı, «Akterlik sheberlik» boıynsha Ulan Qabyl, «Sırk ónerinde» «Astanalyq sırktiń» «Vstrechnye kachelı» Severnye sııanıe» komandasy baıqaýdyń Gran-prı júldesin ıelendi. Al «Halyq mýzykasy» atalymy boıynsha «Dombyra» sanatynda Ulan Bákijanov, «Dombyramen án aıtý» sanatynda Muqııat Asqar, halyq aspaptary ansamblderiniń arasynda «Qorqyt» ansambli, «Klassıkalyq mýzyka» atalymy boıynsha «Akademııalyq án aıtý» sanatynda Ulpan Ábdikerimova, «Alt, vıolonchel, kontrabas» sanatynda Eldar Aıtbekov jáne skrıpkashylar arasynda Jibek Músirǵalıeva Gran-prı júldesin enshiledi. Festıvaldiń Prezıdent Kýbogi de osy jas skrıpkashy, birneshe baıqaýlardyń laýreaty bolyp úlgergen Jibek Músirǵalıevaǵa buıyrdy.
Aıgúl SEIIL,
Sýretti túsirgen Erlan OMAR,
«Egemen Qazaqstan»
