«Rýhanı jańǵyrý» baǵdarlamasy aıasynda uıymdastyrylǵan sharaǵa belgili otandyq jáne sheteldik ǵalymdar, Túrkııa, О́zbekstan, Ázirbaıjan jáne basqa da elderdiń elshilikteriniń ókilderi qatysyp sóz sóıledi.
– Elbasy N.Á.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynda halyq kókeıindegi: «Jańa turpatty jańǵyrýdyń eń basty sharty – sol ulttyq kodyńdy saqtaı bilý. Onsyz jańǵyrý degenińizdiń qur jańǵyryqqa aınalýy op-ońaı», degen sóz naqty aıtylǵan. Al ulttyq kodttyń saqtaıtyn, jańǵyrtatyn dúnıelerdiń biri – sol ulttyń tili. Demek qoǵamdyq sanany jańartyp, tilimizge reforma jasaý – zamanaýı aqparattyq qoǵamda bilim kýltin kóterý úshin kerek,– deıdi fılologııa ǵylymdarynyń doktory Ardaq Beısenbaı.
Konferensııa jumysy aqparattyq-semıotıkalyq keńistiktegi Qazaqstannyń orny, syndy birneshe taqyryp boıynsha órbidi.
