Jıyn sheńberinde QR QK-niń komandalyq quramymen áskerı-ǵylymı konferensııa, komandalyq-shtabtyq áskerı oıyn ótkizý, QR Qorǵanys mınıstrliginiń keńeıtilgen áskerı alqa otyrysynda 2017 oqý jylynyń qyzmetin qorytyndylaý josparlanýda. Oqý-ádistemelik jıynnyń maqsaty 2017 oqý jylynda Qarýly Kúshterdiń qoıǵan tapsyrmalarynyń oryndalýyn jáne olardyń jaýyngerlik jáne jaýyngerlik ázirlikte qol jetkizgen deńgeıine shynaıy baǵa berý bolyp tabylady.
Oqý-ádistemelik jıyn aıasynda Bas shtabymen jedel tapsyrmany sheshý arqyly Qazaqstan Respýblıkasy Qarýly Kúshteri joǵary komandalyq quramynyń bilimi men deńgeıin tekserý júrgizildi.
Oqý-ádistemelik sabaqtar Qorǵanys mınıstriniń orynbasarlary jáne jetekshilik etetin QR QK Bas shtaby bastyǵy orynbasarlarynyń basshylyq etýimen ótýde. Sabaqtar aldyn ala bólingen toptar boıynsha Qorǵanys mınıstrliginiń birneshe obektilerinde ótkizilip jatqanyn aıta ketken jón.
Áskerı-ǵylymı konferensııada shetel memleketteri qarýly kúshteriniń qurylýy men damýynda negizgi úrdisti, zamanaýı áskerı qaqtyǵystardyń sıpaty men mazmunynyń ózgerýin talqylaý josparda bar.
Memlekettiń áskerı qaýipsizdigin qamtamasyz etý tapsyrmalaryn sheshýge áskerı basqarý organdarynyń ázirligin baǵalaý úshin Qarýly Kúshteri túrleri bas qolbasshylarynyń, óńirlik qolbasshylyq áskerleri men ásker tekteri qolbasshylarynyń basqarmalarymen «Operasııalardy uıymdastyrý jónindegi áskerı basqarý organdarynyń jaýyngerlik jumysy» taqyrybynda komandalyq-shtabtyq áskerı oıyn ótkiziledi.
Oqý-ádistemelik jıyn Qorǵanys mınıstriniń jetekshilik etýimen keńeıtilgen áskerı alqa májilisimen aıaqtalady. Onda 2017 oqý jylyndaǵy Qarýly Kúshter qyzmetiniń qorytyndysy shyǵarylyp, 2018 oqý jylyna arnalǵan tapsyrmalar qoıylady.
