Elbasy onda «Mılh» sút óńdeý zaýytynyń jumysymen tanysty. Bul seriktestik jaqynda quny 2 mlrd teńge bolatyn sút ónimderin shyǵaratyn jańa sehty iske qosty.
«Kásiporyn óndirisin keńeıtý týraly byltyrdan beri aıtylyp kele jatty. Kózdegen maqsatqa bıyl qol jetkizdik. О́ndiris qýattylyǵy 30 myń tonnaǵa jetip otyr. Bizdiń ónim negizgi básekelesterimizdikinen kem túspeıdi dep nyq senimmen aıta alamyn», - dedi «Mılh» JShS basshysy Sergeı Blok.
«Mılh» JShS Qostanaı oblysyndaǵy sút ónimderin daıyndaıtyn zamanaýı iri kásiporyndardyń biri sanalady. Kásiporyn alǵashqy ónimin 1997 jyly shyǵarǵan. Fırma otandyq jáne halyqaralyq sapa baıqaýynda birneshe márte marapattalǵan. Ústimizdegi jyly «Mılh» seriktestigi sút ónimderin saqtaý qoımasy men balmuzdaq óndirisi sehyn ashty. Tartylǵan ınvestısııa kólemi - 1,3 mlrd teńge.
Nursultan Nazarbaev seriktestik jumysyn ári qaraı damytýdy júktedi. Bolashaqta olardyń álemdik naryqqa shyǵa alatyndaı bolýy kerektigin aıtty. Sondaı-aq, Elbasy óz sózinde qostanaılyq dıqandarǵa alǵysyn bildirdi.
«Bıylǵy qubylmaly aýa-raıyna qaramastan mol astyq bastyrdyńyzdar. Kórsetkishterińiz kóńil qýantady. Biraq, oblysta ǵylymı ortalyqtar jetispeıdi. Bıdaıdyń sapasyn áli de arttyrý kerek. Astyq surypyn ǵylymı jaǵynan zertteý qajettiligi týyndaıdy. Bolashaqty muny eskerińizder!» - dep tapsyrdy Prezıdent.
