Kámshat Baıǵazyqyzy Dónenbaeva eńbek jolyn Uzynkól elevatorynda jumys isteýden bastaǵan. Ol 1961 jyldan Qostanaı oblysy, Borovskıı aýdany "Harkov" sovhozynda mehanızator bolyp eńbek etken.
Qostanaı oblysynyń Meńdiqara aýdanyndaǵy "Kamensk-Ýralskıı" keńsharynda mehanızatorlar daıyndaıtyn kýrsty, Qostanaı aýyl sharýashylyq tehnıkýmyn syrttaı oqyp bitirgen.
1972 jyly qaıyrmasyz soqamen jer jyrtýda áıel mehanızatorlar arasynda ótkizilgen oblystyq jarysta birinshi orynǵa, respýblıkalyq jarysta úshinshi orynǵa, 1973 jyly Rostov oblysyndaǵy Zernogradta búkilodaqtyq jarysta júldeli orynǵa ıe bolǵan.
1973 jyly 26579 ga, 1974 jyly 38158 ga, 1975 jyly 37199 ga jer jyrtyp, jyldyq mindettemelerin asyra oryndaǵan.
Qazaq qyzdarynyń aýyl sharýashylyq tehnıkalaryn meńgerýine úlgi ónege boldy.
Kámshat Dónenbaevaǵa Búkilodaqtyq halyq sharýashylyǵy jetistikteri kórmesiniń Qurmet dıplomy jóne "Moskvıch" avtomashınasy berildi. Ol SOKP XXV seziniń delegaty, IX saılanǵan KSRO Joǵary Keńesiniń depýtaty (1974).
1990-1993 jyldary osy keńsharda qaýipsizdik tehnıkasynyń ınjeneri, 1993 jyldan sharýa qojalyǵyn basqarady. 1980-1985 jyldary KSRO- Joǵarǵy Keńesiniń Ulttar Keńesi tóraǵasynyń orynbasary boldy. 1976 jyly KSRO Memlekettik syılyǵynyń laýreaty. Eki ret Lenın ordenimen, Qurmet belgisi ordenimen marapattalǵan.
Kámshat Dónenbaevany jerleý rásimi erteń - 11 qarasha kúni ótedi.
