Atalmysh sharaǵa IWF Prezıdenti Tamash Aıan, IWF Bas hatshysy Mohammed Djalýd, IWF dopıngige qarsy komıssııasynyń hatshysy Patrık Shamash jáne IWF sarapshylar ortasynyń ókilderi qatysady dep kútilýde. Halyqaralyq jarystardan shettetilgen 9 federasııa(Ázirbaıjan, Armenııa, Belorýssııa, Qazaqstan, Qytaı, Moldavııa, Reseı, Túrkııa jáne Ýkraına) ókilderine konferensııaǵa qatysý mindettelip otyr.
Shara shartty túrde eki bólimnen turady. Konferensııanyń alǵashqy sessııanda (saǵ. 10.00-13.00) shettetilýdiń zańdyq kezeńi men onyń merziminen buryn toqtatylýyna arnalady jáne bul jabyq túrde ótedi. Konferensııanyń ekinshi sessııasy (saǵ. 15.00-16.30) bilimdik sıpatta ótpek jáne QR UOK ókilderine, ulttyq federasııalar men sarapshy mamandarǵa jáne jýrnalısterge ashyq bolady.
