Kezdesýge Keńes múshelerinen bólek, Joǵarǵy Sottyń sýdıalary, Joǵarǵy Sot janyndaǵy Sottardyń qyzmetin qamtamasyz etý departamentiniń, Sot tóreligi akademııasynyń basshylyǵy, ÚEU jáne BAQ ókilderi qatysty.
A.Qydyrbaeva otyrysty asha kele, Halyqaralyq Keńes jumysynyń ekinshi jyly tabysty aıaqtalýǵa jaqyndaǵanyn jáne onyń tájirıbesine Grýzııanyń Joǵarǵy Soty qyzyǵýshylyq tanytyp úlgergenin atap ótti.
Otyrys barysynda 2017 jyldyń belgili bir qorytyndylary shyǵaryldy. Atap aıtqanda, a.j. aqpanynda ınvestısııalyq daýlardy qaraý praktıkasyn talqylaý boıynsha «dóńgelek ústel» bolyp ótti. Onyń nátıjesinde Astana qalalyq sotynyń ınvestısııalyq daýlar boıynsha sottylyǵyn keńeıtý men naqtylaý jáne osy sanattaǵy isterdi qaraý merzimderin ulǵaıtý boıynsha usynymdarynyń negizinde zańnamaǵa tıisti ózgerister engizildi.
Keńes músheleriniń keıbir usynymdary Ádilet mınıstrligi ázirlegen «Advokattyq qyzmet jáne zańgerlik kómek týraly» zań jobasyna engildi. «Atalǵan zań jobasy qoǵamda qyzý talqylanyp, búginde Parlament Májilisiniń qaraýyna kelip tústi. Osy zań qabyldanǵan jaǵdaıda halyqqa usynylatyn quqyqtyq kómektiń sapasy, sonyń ishinde sotta qorǵaýdy qamtamasyz etý deńgeıi túbegeıli jaqsaratyndyǵyna senimimiz mol», - dedi A.Qydyrbaeva
Tórtinshi otyrystyń kún tártibine úlgilik quqyqty qoldanýdyń halyqaralyq tájirıbesi jáne ony ulttyq zańnamaǵa engizýdiń keleshegi, sondaı-aq tergeý sýdıalarynyń ókilettikterin keńeıtý týraly eki másele engizildi.
Birinshi másele boıynsha sóz sóılegen Keńes múshesi, Sot tóreligi akademııasynyń rektory Tólesh Qaýdyrov jahandaný, sondaı-aq jalpy jáne qurlyqtyq quqyq júıeleriniń birigý úrdisteriniń sheńberinde normatıvtik-quqyqtyq aktileriniń qoldanylý deńgeıi tarıhı turǵyda basym sıpatqa ıe quqyqtyq deńgeıi damyǵan elderdiń ózinde úlginiń mańyzy quqyqtyń qaınar kózi retinde kún sanap artyp kele jatqandyǵyn atap ótti.
T.Qaýdyrov aǵylshyn-sakson, roman-german jáne aralas quqyqtyq júıege negizdelgen elderdiń tájirıbesin tanystyrdy. Ol birkelki sot praktıkasyn qalyptastyrý úshin Qazaqstannyń tájırıbesine ishinara engizilýi múmkin Halyqaralyq Keńes músheleriniń saraptamalyq ustanymdaryn talqylaýǵa usyndy.
Bulardyń qataryna zańnamaǵa Joǵarǵy Sottyń zańdy kúshine engen sheshimderi men qaýlylaryna sýdıalardyń silteme jasaý quqyǵynyń berilýi týraly ózgerister engizý, Joǵarǵy Sottyń saıtyna elektrondy nusqadaǵy «Úlgi» jınaqtaryn ornalastyrý, sot sheshimderimen tanysýǵa múmkindik beretin «Tórelik» jáne «Taldaý» servısteriniń múmkindikterin keńeıtý sekildi sharalar jatady. Buǵan qosa, Sot tóreligi akademııasynda quqyq qoldaný praktıkasyn zerdeleýmen aınalysatyn ǵylymı-zertteý ortalyǵyn qurý, sýdıalar men sot júıesiniń qyzmetkerlerine AHQO-niń arbıtraj jáne sot talqylaýlaryna qatysý múmkindigin usyný sekildi máseleler talqylandy.
Keńes múshesi, Tallın (Estonııa) okrýgtik sotynyń sýdıasy Pavel Goncharov tergeý sýdıalarynyń ókilettikterin keńeıtý týraly sóz sóıledi. Ol tergeý sýdıalary ınstıtýtyn engizý boıynsha qazaqstandyq tásil men jınaqtalǵan tájirıbeni joǵary baǵalady, sondaı-aq qylmystyq prosesti reformalaý sheńberinde olardyń ókilettikterin odan ári keńeıtýdi qoldady. «Búginde Qazaqstan tergeý áreketterin neǵurlym tıimdi baqylaý maqsatynda tergeý sýdıalarynyń ókilettikterin birtindep keńeıtý boıynsha naqty ustanymǵa ıe», - dedi P.Goncharov.
Ekinshi máseleni talqylaý qorytyndysy boıynsha Halyqaralyq keńes músheleri birqatar usynymdar ázirledi. Solardyń qatarynda, qupııa tergeý áreketterin sanksııalaýdy qosa alǵanda, tergeý sýdıalarynyń ókilettikterin odan ári keńeıtý de bar. Buǵan qosa, tergeý sýdıalarynyń ókilettikterin retteıtin birqatar normatıvtik-quqyqtyq aktilerdi ázirleý, tergeý sýdıalarynyń prosestik qyzmetin jetildirýdi jalǵastyrý, olardy oqytýdy kúsheıtý usynylyp otyr.
Árbir másele boıynsha qatysýshylar ózara pikir almasty. Otyrys qorytyndysy boıynsha múddeli memlekettik organdarǵa joldanatyn jáne Joǵarǵy Sottyń saıtyna ornalastyrylatyn usynmdar ázirlenetin bolady.
Eske sala keteıik, Joǵarǵy Sot janyndaaǵy Halyqaralyq Keńes ulttyq sot tóreligi júıesin jetildirý máseleleri boıynsha sarapshylyq konsýltasııalar ázirleý maqsatynda qurylǵan jáne bul Ult Josparynyń 25-qadamynyń praktıkalyq turǵyda iske asýy bolyp tabylady.
