Qytaılyq Weibo áleýmettik jelisindegi aqparattarǵa sensek, Dımash Qudaıbergen aldaǵy kúnderi Qytaıdyń birneshe qalasynda án keshin ótkizedi. Ánshi alǵashqy konsertin 16 jeltoqsan kúni «Singer - 2017» baıqaýy ótken Hýnan provınsııasynyń Chansha qalasynda ótkizýdi josparlap otyr. Al ekinshi konserti 2018 jylǵy 6 qańtar kúni Fýszıan provınsııasynyń bas qalasy Fýchjoýda ótpek.
Aıta keteıik, otandasymyzdyń talantyna tánti qytaılyq jankúıerler konsert bıletterin qazirdiń ózinde ınternet arqyly satyp alyp jatyr. Bıletterdiń baǵasy 14 myń teńgeden (280 ıýan) bastalyp, 84 myń teńgege (1680 ıýan) deıin jetedi.
Eske sala keteıik, Dımash jyl basynda Hunan TV «Singer - 2017» án baıqaýyna qatysyp, ekinshi oryn ıelengen bolatyn.
