Jedelhatta Memleket basshysynyń dańqty dıqan-mehanızator, qoǵam qaıratkeri, Sosıalıstik Eńbek Eri Kámshat Dónenbaevanyń dúnıeden ótkeni týraly habardy zor kúızelispen qabyldaǵany aıtylǵan.
«Kámshat Baıǵazyqyzy kóp jyldar boıy mehanızator bolyp eńbek etip, jer jyrtyp, astyq ósirip, elimizdiń ósip-órkendeýine óz úlesin qosty. Kezinde basqa da birqatar qyzdar Kámshatqa eliktep, mehanızatorlyq mamandyqty tańdap, elimizdegi búgingi bereke men molshylyqtyń negizin qalady.
Boıynda qazaq áıeline tán aqyl men parasat, eńbekke degen qajyr men qaırat sheber úılesim tapqan Kámshat Dónenbaevanyń esimin, onyń atqarǵan isteri men jarqyn dıdaryn qazaqstandyqtar árdaıym jadynda saqtaıdy dep senemin», – delingen jedelhatta.
