2017 jyldyń 10 qarashasynda Qyzylorda oblysynyń ákimi Qyrymbek Kósherbaev Máskeý qalasyna jumys sapary aıasynda Máskeý jáne Sankt-Peterbýrg qalalarynyń úzdik joǵary oqý oryndarynda bilim alyp jatqan qyzylordalyq stýdenttermen kezdesti. Basqosýda Reseıde oqyp júrgen stýdentterdiń oqýy men olardy bolashaqta jumyspen qamtý, aımaǵymyzdyń áleýmettik-ekonomıkalyq, óndiristik jáne mádenı damýynyń perspektıvalary sııaqty máseleler talqylandy. K.Kósherbaev stýdentterge Elbasynyń Qyzylorda oblysyna qazan aıyndaǵy jumys sapary, óńirdiń 2020 jylǵa deıingi ınvestısııalyq strategııasy, «Baıqońyr» kesheniniń damýy, oblys ákimdiginiń sıtýasııalyq ortalyǵy jáne t.b. jastardy qyzyqtyrǵan taqyryptar boıynsha aıtyp berdi.
Oblys ákiminiń aıtýynsha aımaq barlyq sala boıynsha qarqyndy damyp, jetiskterge qol jetkizgen. Máselen, bıyl mektep biritýshilerdiń 97 paıyzy joǵary jáne orta arnaýly oqý oryndaryna tústi. О́ńir basshysy jergilikti bıýdjettiń aıtarlyqtaı úlesi bilim berý salasyna jumsalatynyn jetkizdi. Q.Kósherbaev álemdegi tehnologııalyq damý tendensııalaryn eskere kele jastar úshin týyndap otyrǵan zamannyń jańa shaqyrtýlary men múmkindikterin jáne olardyń ekonomıkaǵa jasalatyn yqpalyn aıqyndap berdi.
Kezdesýden keıin Qyzylorda oblysynyń ákimdigi Reseı Federasııasyndaǵy Qazaqstan Respýblıkasy Elshiliginiń ǵımaratynda M.V.Lomonosov atyndaǵy Máskeý memlekettik ýnıversıtetimen jáne basqa da aldyńǵy qatarly tehnıkalyq joǵary oqý oryndarymen (Máskeý ulttyq tehnologııalyq zertteý ýnıversıteti, I.M. Gýbkın atyndaǵy Reseı Memlekettik munaı jáne gaz ýnıversıteti, K.A. Tımırıazev atyndaǵy Máskeý agrarlyq akademııasy Reseı memlekettik agrarlyq ýnıversıteti jáne Sankt-Peterbýrgtegi ónerkásiptik tehnologııalar men dızaın memlekettik ýnıversıteti) memorandýmǵa qol qoıyp, kelisim-shart jasasty.
Q.E. Kósherbaev Qyzylorda oblysy Reseıdegi tehnıkalyq JOO-men 2014 jyly tyǵyz áriptestik baılanys ornatqanyn aıtty. «Reseıdiń jetekshi tehnıkalyq joǵary oqý oryndarymen tyǵyz yntymaqtastyq pen tıimdi seriktestiktiń arqasynda oblys mektepteriniń 452 túlegi Máskeý men Sankt-Peterbýrgtiń aldyńǵy qatarly joǵary oqý oryndarynda bilim alýda», - dedi aımaq basshysy. Sondaı-aq, oblys ákimi memorandým aıasynda 2018 jyldan bastap M.Lomonosov atyndaǵy Máskeý memlekettik ýnıversıteti fızıka-matematıka jáne mehanıka-matematıkalyq mamandyqtar boıynsha syrboıylyq jastarǵa magıstratýrada oqý úshin 20 grant bóletinin jetkizdi.
Sharaǵa M.V.Lomonosov atyndaǵy MMÝ rektory Vıktor Sadovnıchıı jáne reseılik jetekshi tehnıkalyq JOO basshylary qatysty. О́z sózinde akademık V. Sadovnıchıı Chelıabınsk qalasynda (RF) eki el basshylarynyń qatysýymen ótken Qazaqstan jáne Reseı arasyndaǵy XIV óńiraralyq yntymaqtastyq forýmynyń mańyzdylyǵyna toqtalyp, qos memleket arasyndaǵy dostyq qarym-qatynasty saqtaı otyryp, bilim men ǵylymdy salasyndaǵy áriptesttikti ári qaraı jalǵastyrý qajet ekenin atap ótti.
Máskeýdiń mańdaıaldy oqý oryndarymen jasalǵan kelisimder aımaqtyń qarqyndy damýyna aıtarlyqtaı serpin berip, oblystyń ıntellektýaldyq áleýetiniń ósýine, jastardyń eldi damytýdaǵy rólin arttyryp, jalpy Qazaqstan men Reseı arasmyndaǵy qarym-qatynastyń ári qaraı nyǵaıýyna septigin tıgizetini sózssiz.
