Alqaly jıynǵa memleket qaıratkerleri, tarıhshy ǵalymdar, alys jaqyn shetelden sarapshylar, saıasattanýshylar qatysty.
Konferensııaǵa alys jaqyn shetelden kelgen ǵalymdar men sarapshylar Elbasynyń kóshbasshylyq fenomenin, 25 jyldan astam tarıh ishinde táýelsizdiktiń, memlekettilikti qalyptastyrýdaǵy eńbegi men rólin talqylady. Biri Elbasynyń sálıhaly saıasatyn, biri kisilik kelbetin, endi biri halyqaralyq sahnadaǵy eńbegi men bedelin, otandyq ǵalymdar ultaralyq etnosaralyq qatynasty damytýdaǵy eńbegin tilge tıek etti.
«Memleket basshysy Nursultan Nazarbaev beıbitshilik pen kelisim ornaǵan turaqty qoǵamdy qalyptastyrý úshin ne istedi? Birinshiden, Elbasy ata zańymyzda beıbitshilik pen kelisimdi bárinen joǵary qoıý kerektigin basa aıtty. Barlyq sózinde Qazaqstanda ilki zamannan beıbit el bolǵanyn aıtyp keledi. Ol qazaq halqyn ózge ult ókilderiniń ómiri úshin jaýapkershiligin begiledi. Prezıdent ultaralyq qaqtyǵystarǵa ákeletin separatıstik pıǵyl úshin jazany aýyrlatty. Syrttaǵy kıkiljińderge qatysýǵa tyıym saldy. Elde tıimdi til saıasaty jasaldy. 2010 jyly Elbasy Qazaqstan halqynyń birligi týraly biregeı doktrına jasady. Únemi etno-mádenı birlestikterge qoldaý kórsetip keledi. Prezıdent qazaq halqynyń qonaqjaılylyǵy, mentalıtetin, darhandyǵyn álemge pash etti. Eger ózge elde polıetnıkalyq quram otralyq saıasat negizinde qalyptassa, bizde ózge ulttardy deportasııalaý nátıjesinde qalyptasty. Bul da basa eskeretin jaıt. 1992 jyldan bastap Qazaqstanǵa Elbasynyń bastamasymen 1 mln asa qandasymyz qaıta oraldy. Sonyń arqasynda elimizde beıbitshilik pen tynyshtyq ornady», - dedi QR BǴM ǴK Sh.Ýálıhanov atyndaǵy tarıh jáne etnologııa ınstıtýtynyń dırektory, professor Zııabek Qabyldınov.
Eske sala ketsek, keshe Memlekettik ortalyq mýzeıde QR Tuńǵysh Prezıdenti kitaphanasynyń kóshpeli jobasy, kórme ashylǵan bolatyn. Mýzeıge kelýshiler shoǵyry azaıar emes.
Kelýshiler nazaryna kitaphananyń arhıv, kitap, mýzeı qorynyń sırek jádigerleri, Elbasynyń joǵary memlekettik marapattary, Qurandar kolleksııasy, ózge memleket basshylarynyń qoltańbasymen kitaptar, N.Nazarbaevtyń shet tilindegi kitaptary qoıyldy.
Astanadaǵy Elbasy mýzeıinen 800 túpnusqa qoljazba, sýret, jeke zattary ákelindi. Kóshpeli kórme Almatyda 2 aıdaı turady. Keıin kórme Qaraǵandy men Shymkent qalalaryna ketedi.
