О́nerli órender órisi

Keshe Beıbitshilik jáne kelisim saraıyn­da HIV halyqaralyq «Shabyt» shy­ǵar­mashyl jastar festıvali saltanatty jaǵdaıda ashyldy. Bir aptaǵa sozylatyn óner saıy­sy­nyń ereksheligi – oǵan shetelderden de talantty jastar qatysýda. El Táýelsizdiginiń 20 jylyn­da jas memleketimizdiń ekonomı­kasy ǵana órlep qoımaı, áleý­mettik-mádenı salalarda da aýyz toltyryp aıtarlyqtaı eleýli oqıǵalar bolýda. Sonyń bir­sy­pyrasy elorda tynysymen ty­ǵyz baılanysty desek, artyq aıt­qandyq emes. Ásirese, sońǵy jyl­dary jas túlekterge rýhanı qol­daý kórsetý maqsatynda kóp­tegen saıystardyń óte bastaǵany kóńil marqaıtady. Alaıda solar­dyń arasynda mádenıet pen óner­­diń keleshegine dańǵyl jol ashýda «Shabyttyń» orny qashan­da bas­qalarynan bıik turatyny sózsiz. Sonaý bir kezderge úńilsek, onyń «Jiger» dep atalǵany má­lim. Ol sol ýaqyttaǵy el jas­tarynyń jigerin janýda, bulaq kózin ashýda kóp is tyndyrsa, o zaman men bu zamannyń aıyr­mashylyǵy jer men kókteı edi. Búginde talap ondaǵydan múlde basqasha, kóp­tegen óner báseke­leri halyqara­lyq sıpat alýda. Aýqymynyń osylaı keńeıýiniń arqasynda jyl­dan-jylǵa bul saıysqa qa­tysýshylardyń sany da eselene túsýde. «Shabyt» festıvaliniń júldesi úshin emes, munda óziniń ónerin synap kórýdi bıik mártebe sanaıtyn sheteldik qonaqtardyń bıyl qarasy az kórinbeıdi. Olar bir-birimen eń úzdik ádebı shy­ǵarmalar, beıneleý óneri, estrada janry, halyq mýzykasy men klassıkalyq mý­zy­ka nomı­na­sııalary boıynsha baq synaspaq. Qazylar alqasynyń qura­myna engen mádenıet pen ónerdiń tarlandary da bir-bir salanyń naǵyz maıtalmandary dersiń. Olardyń arasynda belgili aqyn Farıza Ońǵarsynova, dúldúl ánshi Qaırat Baıbosynov, Ita­lııadaǵy Polınnı Chezare atyn­daǵy konser­vatorııanyń pro­fes­sory Perlýıdjı Destra, Bra­zılııadaǵy Blýmenaý kamera­lyq orkestriniń bas dırıjeri Danıel Bortolossı sııaq­ty taǵy da basqa tulǵalar bar. Táýelsizdik toıy qarsańyndaǵy tartýlardyń ishinde bul sharanyń qyzyldy-jasyldy syılary az bolmaıtyn sekildi. Nurzada KÚMISBEK.