Chelıabide ótken XIV forýmnyń qorytyndysynda ShQO men Altaı óńiri arasynda týrızm salasyndaǵy yntymaqtastyq týraly memorandýmǵa qol qoıyldy. Aımaqaralyq forým aıasynda ótken plenarly otyrysta ShQO ákimi Danıal Ahmetov oblystyń árqashan konstrýktıvti suhbatqa ashyq jáne barlyq baǵyt boıynsha ózara tıimdi seriktestik qarym-qatynas ornatýǵa daıyn ekendigin basa aıtty.
«Oblystyń kıeli jerleriniń tizimi jasaldy. Oǵan úsh din – ıslam, hrıstıan, býddızmniń basy birikken Abylaıkıt qorǵany, Eýrazııa keńistiginiń kindigi – Muztaý shyńy kirdi. Sonymen qatar, aımaqtyń mol mádenı murasynyń aıǵaǵy bolmaq ádebı beldeý jobasy júzege asýda. Kıeli jerlerge uıymdastyrylǵan týrıstik baǵdarlar tek qazaqstandyq emes, sondaı-aq, reseılik týrısterdi de qyzyqtyratyny sózsiz», - dedi alqaly jıynda Danıal Ahmetov
О́z kezeginde Altaı ólkesiniń gýbernatory Aleksandr Karlın jýrnalısterge bergen suhbatynda Shyǵys Qazaqstanmen ekonomıkalyq jáne mádenı baǵytta berik qarym-qatynas ornaǵanyn jáne ony taǵy bir márte memorandýmǵa qol qoıý arqyly nyqtaı túskendigin jetkizdi.
Azamat QASYM,
«Egemen Qazaqstan»
Shyǵys Qazaqstan oblysy
