«Astana» «Dakar-2012-ge» jol tartty

«Samuryq-Qazyna» qory­nyń qoldaýymen «Astana» sport ko­man­dasy rallı-reıd boıynsha osy­men ekinshi ret «Dakar-2012» rallı planetasyna sapar shekti. Osy ekıpajdyń debıýty aldyń­ǵy «Dakar-2011» týrnırinde eń kúr­deli júk mashınalary kla­syn­da jalpy esepte segizinshi oryn alyp, tańqalarlyq nátıje kór­set­­ken edi. Avtokólik salasy sa­rap­shylarynyń pikirinshe, bul birinshi ret qatysqan komanda úshin aýyz toltyryp aıtar­lyq­taı kór­set­kish eken. Komanda «Dakar-2012-ge» jol tarta oty­ryp, bul saparda da birshama jetistikke qol jetkizemiz degen úmit­terin bildirýde. Atalmysh sharaǵa oraı osy taqyryp ja­ıyn­da elordada «Sa­muryq-Qazyna» UÁQ AQ basqar­ma tór­aǵa­sy Tımýr Qulybaev ja­rys­qa qa­ty­satyn birqatar ekıpaj múshe­leri­men birge baspasóz más­lı­hatyn ótkizdi. – «Samuryq-Qazyna» ulttyq ál-aýqat qory elimizdiń atyn búkil álemge pash etetin «Astana» sport komandasyn qoldaıdy. Bul rette men ózimizdiń komanda úshin maqtana alamyn. Meniń oıymsha bul sportshylar búgingi Qazaqstandy dúnıe júzine tany­ta alady. Bizdiń jas memleket sııaq­ty olar kóshbasshy bolýǵa, tipti álemdik tanymal komandalardan ozýǵa baryn salyp, Otany­myz­dyń bedelin halyqaralyq arenada bıikten kórsetedi dep esepteımin, – dedi Tımýr Qulybaev. «Dakar-2012» rallıi úsh elde óte­di. Atap aıtqanda, Argentına men Chılı aýmaǵyndaǵy baǵyt­tar­­­dy baǵyndyrsa, osy joly oǵan jolsyz Perý qosylmaq. Uıym­dastyrýshylardyń aı­týy­na qa­ra­ǵan­da, bul saıysqa qatysý­shy­lar­ǵa talapty kúrde­len­dirý­men qa­tar, týrnırdi bu­ryn­ǵy­dan da qyz­ǵylyqty ete túse­tinge uqsaıdy. Sondaı-aq, komanda músheleri qatal ońtús­tikamerıkalyq landshafpen da­ıyn­dyqtarynyń jo­ǵary ekendikterin de nazardan tys qal­dyrmaıdy. Rallıge qatysatyn «Astana» komandasynyń qazirgi qura­my ja­ıy­na keler bolsaq, komanda kapı­ta­ny Artýr Ardavıchýs: «Ko­man­danyń barlyq qa­ty­sý­shy­lary bir­neshe retten túr­li ha­lyq­­ara­lyq rallıge qa­tysqan sport­shy­lar. Al bes qatysý­shynyń al­dyń­ǵy «Dakardan» tá­jirıbesi bar. «Sa­mu­ryq-Qazyna» qorynyń qol­daýy­nyń arqasynda biz ótken jyl­ǵy jetken jetistikterimizdi qaıta­laý­ǵa barlyq kúsh-jigeri­mizdi salatynymyzǵa jáne bul synda laıyqty baǵaǵa ıe bola­tyn­­dy­ǵymyzǵa senimimiz zor. Biz mun­daı tabystarǵa senimdi otan­dyq jankúıerlerden kútemiz», – dedi. «Astana» velosıped koman­da­synyń osydan biraz ýaqyt bu­ryn­ǵy halyqaralyq jeńis­teri arqa­syn­­da tanymal bolǵa­nyn eske sal­saq, qazirgi tańda «Astana» «Sa­muryq-Qazyna» qory qol­daı­tyn jalpaq jurtqa tanymal sport klýbynyń ataýy bolyp otyr. Ábdirahman QYDYRBEK, Sýretterdi túsirgen Orynbaı BALMURAT.