Aýdandyq bıýdjetten 6 dárigerge 500 myń teńgege grant tabystaldy. Aýdan ortalyǵy Aqqýlyǵa aýdandyq ishki saıasat bóliminiń habarynsha, «Jumyspen qamtýdyń jol kartasy- 2020» baǵdarlamasy aıasynda salynǵan 24 páterli turǵyn úı qurylysyna oblystyq bıýdjetten 32 mıllıon teńge qarajat bólinipti.
Mádına Aıtqulova, Saǵadı men onyń jubaıy Erkejan Ákimbekovterdiń otbasy, Aıdos Nurbekovpen Uljan Tólebaevalardyń dárigerlik otbasylary úı aldy. Dárigerlermen birge Aqqýlydaǵy «О́ner» mektebine qyzmetke kelgen Mánshúk Qadysovaǵa, aýdandyq balalar úıiniń tárbıelenýshisi Iýrıı Sýrgýtanovqa da bir bólmeli páter berildi. Jańa páterler ortalyqtandyrylǵan jylý júıesine qosylǵan. Jastar úshin barlyq jaǵdaı jasalypty.
Jalpy, óńirde bıylǵy jyly «Dıplommen – aýylǵa!» baǵdarlamasy aıasynda 151 jas maman aýyldarǵa barady dep josparlanǵan-dy. Mamandarǵa áleýmettik qoldaý kórsetý sharalaryn iske asyrý boıynsha bıýdjetten 513,9 mıllıon teńge bólý de qarastyryldy
Farıda Byqaı
«Egemen Qazaqstan»
Pavlodar
