«Shahter» shyńy

Fýtboldan elimizdiń jańa chempıony saltanatty túrde qoshemetteldi Kezinde Almatynyń «Qaı­ra­ty» syndy Qaraǵandynyń bul fýtbol komandasynyń ataǵy da alysqa jańǵyrǵan ýaqyttar umy­tyla qoıǵan joq. Keńestik keńis­tik­tegi básekelesterimen úzeńgi qa­ǵystyryp, keı retterde oza shaýyp, juldyzy jarqyraǵan sátteri de bolǵan. Búginde        «Shahter» jasyl alańǵa shyǵyp, atoı salǵanda eski kóz jankúıerler so­ny elestetedi. Keshegini qoı­shy, táýelsiz elimizdiń jeke birinshiliginde úsh márte júldeli sapqa kóte­ri­lgenimen, odan da bıikke qaýqary da, múmkindigi de jetkiliktigine úmit úzilmeı, dara tanylýy arman­dalýshy edi. Álem­degi osy bir eń súıikti oıyn degende ishken asyn jerge qoıatyn myńdaǵan jerles­teri­niń úmit-senimin aqyry aqtady. Bıylǵy birinshiliktiń sońǵy kúnine, tipten sońǵy mınýt­tary­na deıin «Jetisýdyń» ne óziniń jeńimpaz bolýy tarazy basynda turǵandaǵy qaırattylyǵy – qa­zir kópshilik aýzyndaǵy súısi­nis­ti áńgime. Áýelde basty qarsy­la­syn sonyń alańynda jeńip qaıt­qannan keıin asý bermesteı «Astanamen» sheshýshi aıqas taǵy turdy. Fýtbolda bári de bolady. Bir jaǵynan máreniń bir ushyǵy Tal­dy­qorǵanda tiresken jetisý­lyq­tar men kerekýlikterdiń oıy­ny­na baı­lanystylyǵy kóńil alań­datsa, aıaq astynan aq qar, kók muzǵa aı­nalǵan alańda bardy sa­lyp, synasý júrek qobaljytqany komandanyń bas bapkeri Vıktor Kýmykov aqtyq kezdesýden soń aıt­qan syr. 20-25 myń oryndyq «Shahter» sta­dıonynda talaı oıyndardy ta­ma­shalaǵanbyz. Biraq osy joly onyń lyq tolyp, ıne shanshar oryn­nyń bolmaýy kópten beri birinshi kórinis edi. Aıqas qyzyǵyna berilip, aıazdy da, japalaqtap jaý­ǵan qardy da elemegen qalyń jan­kúıer fýt­bolshylardyń shabyt­ta­na oınaýyna dem berdi. «Shah­ter­diń» beldi oıyn­shysy Andreı Fınochenko soqqan eki dop koman­da­syna jeńis ákeldi. – Men úshin bıylǵy birinshilik este qalarlyqtaı boldy. Qazaq­stan ulttyq qurama komandasyna qabyldandym. Alda eleýli syndar tur. Kóshbasshylyq oryndy saq­taýy­myz kerek. Munyń syrtynda ÝEFA aıasyndaǵy Chempıondar lıgasynyń irikteý oıyndarynda myqty komandalar aldynda na­mys­ty qoldan bermeýge kúsh-qa­biletimizdi aıanbaý qajet, – dep belgili fýtbolshy Ulan Qonys­baev qýanyshyn ortaǵa saldy. Keshe kenshilerdiń Mádenıet saraıynda elimizdiń jańa chem­pıo­nyn saltanatty túrde marapattaý rásimi ótti. Kezdesýde ob­lys ákimi, oblystyq fýtbol fe­de­rasııasy­nyń tóraǵasy Serik Ahmetov jan­kúıerler atynan komanda múshe­lerin tamasha jetistikterimen qut­tyq­tap, óńir, el fýtbolynyń már­te­besin bıiktete berýge tilek bildirdi. Qazaqstan Fýtbol federa­sııa­synyń vıse-pre­zıdenti Seıdilda Baıshaqov ekeýi jattyq­tyrý­shylar, oıyn­shy­lar moıyndaryna jibek baýǵa taǵylǵan altyn medal ildi. Ob­lys ákiminen komandaǵa 10 mıl­lıon teńge syılyqtyń sertı­fa­katy tabys etildi. Jınalǵandar osy zamanǵy ozyq úlgidegi, ha­lyq­aralyq talap-talǵamǵa saı sta­dıon­nyń salynatyn kúni alys emestigin estip qosa qýandy. Bir aıdan soń «Shahter» aldaǵy birinshilikke daıyndyqty Túrkııada bastaıdy. Aıqyn NESIPBAI, Qaraǵandy.