Chelıabınskide ótken Reseı men Qazaqstan óńiraralyq yntymaqtastyǵynyń HIV forýmynda «Roskosmos» memlekettik korporasııasynyń ǵarysh qyzmeti jónindegi bas dırektordyń birinshi orynbasary Aleksandr Ivanov pen QR aýyl sharýashylyǵy birinshi vıse-mınıstri Qaırat Aıtýǵanov 1994 jyldyń 10 jeltoqsanyndaǵy Qazaqstan Respýblıkasy Úkimeti men Reseı Federasııasy Úkimeti arasyndaǵy «Baıqońyr» ǵarysh aılaǵyn jalǵa berý kelisimine ózgeris engizý týraly hattamaǵa qol qoıdy.
Qujatqa sáıkes Aqaı jáne Tóretam kentteriniń mańyndaǵy 11,6 myń gektar Reseı tarapynan jalǵa alýdan shyǵaryldy jáne ol jerde áleýmettik-ekonomıkalyq ınfraqurylymdy odan ári damytý úshin Qyzylorda oblysyna berildi.
Sondaı-aq, RF densaýlyq saqtaý mıınstri Veronıka Skvorsova men QR densaýlyq saqtaý mınıstri Eljan Birtanov 2009 jyldyń 17 qarashasyndaǵy Qazaqstan Respýblıkasy Úkimeti men Reseı Federasııasy Úkimeti arasyndaǵy ««Baıqońyr» ǵarysh aılaǵyn Reseı Federasııasy jalǵa alý jaǵdaıynda «Baıqońyr» ǵarysh aılaǵy qyzmetkerlerine, Baıqońyr qalasynyń jáne Tóretam, Aqaı aýyldarynyń turǵyndaryna medısınalyq qyzmet kórsetý» kelisimine ózgeris engizý týraly hattamaǵa qol qoıdy.
Hattamada «Baıqońyr» kesheninde, Aqaı jáne Tóretam kentterinde turatyn jáne jumys isteıtin qazaqstandyqtarǵa medısınalyq qyzmet kórsetý júıesin jetildirý kózdeledi.
Qol qoıylǵan qujattar «Baıqońyr» ǵarysh aılaǵy týraly burynnan bar eki jaqty normatıvtik-quqyqtyq bazany tolyqtyrady, ári Qazaqstan men Reseı yntymaqtastyǵyn damytýda mańyzdy ról atqarady.
